„ჩვენ დღეს სამუშაო შეხვედრა გავმართეთ კერძო სექტორთან, რომელსაც გავაცანით როგორც განხორციელებული, ისე დაგეგმილი რეფორმები, რომლებმაც უნდა გააუმჯობესოს ბიზნეს და საინვესტიციო კლიმატი წიაღის სექტორში", - ამის შესახებ  პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა წიაღის სექტორის ლიცენზიანტი კომპანიების წარმომადგენლებთან სამუშაო შეხვედრის შემდეგ განაცხადა.

მან ასევე აღნიშნა, რომ სახელმწიფო ფონდებში დაცული წიაღისეულის შესახებ ინფორმაცია, შესაძლოა უფასოდ გაიცეს, რაც ბიზნესის შესაძლებლობებს გააუმჯობესებს. 
 
„ჩვენ მნიშვნელოვანი რეფორმები დავიწყეთ წიაღისეულის მოპოვების ნაწილში. მთავრობის წინა სხდომაზე მიღებული ცვლილებების თანახმად,  წიაღისეულის შესახებ სახელმწიფო ფონდებში დაცული ინფორმაცია დაინტერესებულ პირებზე შესაძლებელია, ყოველგვარი გადასახადის გადახდის გარეშე გაიცეს. ცოტა ხანში აღნიშნული ინფორმაცია ხელმისაწვდომი იქნება ელექტრონული სახით ვებგვერდზე, სადაც მომხმარებელი, ინვესტორი შეძლებს გაფილტროს ინფორმაცია როგორც მუნიციპალიტეტის, ასევე კონკრეტული წიაღისეულის დასახელების თუ ნაირსახეობის მიხედვით. ეს მნიშვნელოვნად გაუუმჯობესებს ბიზნესს შესაძლებლობას, დაგეგმოს საკუთარი გადაწყვეტილებები და განსაზღვროს საინვესტიციო მიმართულებები," - განაცხადა დიმიტრი ქუმსიშვილმა.

(NS)

ავტორი: ,

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა