საქართველოს პარლამენტის თავმჯდომარის, ირაკლი კობახიძის განცხადებით, უკრაინაში გამართულ შეხვედრებზე საქართველოს ყოფილი პრეზიდენტის, მიხეილ სააკაშვილის საკითხი არ განხილულა.

როგორც კობახიძემ აღნიშნა, შეხვედრებზე საუბარი საქართველოსა და უკრაინას შორის თანამშრომლობის საკითხებს შეეხო.

„ჩვენ გვქონდა ძალიან პოზიტიური ვიზიტი. გვქონდა შეხვედრები როგორც პრეზიდენტთან, ასევე პარლამენტის თავმჯდომარესთან, პრემიერ-მინისტრთან და სხვა მაღალი თანამდებობის პირებთან. გვქონდა საუბარი ორმხრივ თანამშრომლობაზე უკრაინასა და საქართველოს შორის. ეს იყო განსახილველი საკითები. შევთანხმდით იმაზე, თუ როგორ ვხედავთ ჩვენს საერთო მომავალს, თანამშრომლობას და იყო ამ კუთხით ძალიან პოზიტიური და პროდუქტიული ჩვენი ვიზიტი. რაც შეეხება ბატონი მიხეილ სააკაშვილის საკითხს. ეს საკითხი არ განხილულა არც ერთ შეხვედრაზე, რომელიც გაიმართა ჩვენი ვიზიტის ფარგლებში“, - განუცხადა "რუსთავი 2"-ს ირაკლი კობახიძემ.

საქართველოს პარლამენტის თავმჯდომარემ ოფიციალური ვიზიტი უკრაინაში ქვეყნის პრეზიდენტ პეტრო პოროშენკოსთან შეხვედრით დაასრულა. მანამდე ირაკლი კობახიძე უკრაინის პრემიერ-მინისტრს, პარლამენტის თავმჯდომარეს და სხვა მაღალი თანამდებობის პირებს შეხვდა.

ავტორი: ,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს