"უზენაესი სასამართლოს ახალ თავმჯდომარესთან საკანონმდებლო დარგში  უპრეცედენტო თანამშრომლობა მიმდინარეობს",-ამის შესახებ საქართველოს იუსტიციის მინისტრმა თეა წულუკიანმა პარლამენტში საკომიტეტო მოსმენისას განაცხადა.
თეა წულუკიანმა მართლმსაჯულების სფეროში ჩატარებული და დაგეგმილი  რეფორმების შესახებ ისაუბრა.
"ჩვენი ინიციატივით ჩატარდა ის სასიცოხლო რეფორმები მართლმსაჯულების სფეროში, რამაც საშუალება მისცა საქართველოს დღეს თქვას, რომ მოსამართლე დღეს არის უფრო თავისუფალი, ვიდრე ოდესმე ყოფილა. ეს თავად ყოფილმა უზენაესი სასამართლოს თავმჯდომარემ ბრძანა, რომ ის იყო ჩვენი ხელისუფლებაში მოსვლის შემდეგ ყველაზე თავისუფალი. ეს შემთხვევით არ მომხდარა, ის იყო სწორედ დამსახურება იმ რეფორმების, რაც ჩვენ აღმასრულებელმა ხელისუფლებამ თქვენთან ერთად  ჩავატარეთ, იუსტიციის უმაღლესი საბჭოს დეპოლიტიზაცია მომხდარია და ამჟამად მიმდინარეობს უპრეცედენტო თანამშრომლობა უზენაესი სასამართლოს ახალ თავმჯდოამრესთან საკანონმდებლო დარგში  იმისათვის, რომ რეფორმები რაც ჩვენ შევიმუშავეთ, პრაქტიკაში იყოს უფრო უკეთესად დანერგილი და მოიტანოს მოქალაქეებისთვის ხელშესახები შედეგი, ვგულისხმობ დისციპლინურ პროცედურას და მის ეფექტიანობას. ჩვენ სისხლის სამართლის საპროცესო კოდექსში არაერთი ცვლილება შევიმუშავეთ, რათა უფრო მეტი უფლებები მიგვეცა დაზარალებულისთვის, რომელიც მანამდე იყო აბსოლუტურად უუფლებო, დღეს ეს რეფორმა არის ძალაში და ჩვენ დღეს გვაქვს ის საკანონმდებლო ბაზა, რომელიც გამორიცხავს ადამიანის უფლებათა ევროპულ სასამართლოში საქართველოდან საჩივრების შედინებას. დღეს ჩვენი რეფორმების წყალობით, რომელიც გაგრძელდება,  შეჯიბრობითობა არის დაცული სასამართლო დარბაზებში იმიტომ, რომ კანონი გაუმჯობესდა. ჩვენ მიზნად ვისახავთ სასამართლოსთან თანამშრომლობის ფარგლებში წელს პარლამენტს შემოგთავაზოთ ახალი რეფორმები მართლმსაჯულების დარგში,ძალიან ფრთხილად ისე, რომ სისხლის სამართლის საპროცესო კოდექსი არ დაზიანდეს, რომელიც მთლიანად შეჯიბრობითობის პრინციპზეა აგებული და ნელ-ნელა ამაში შემოვიტანოთ მოსამართლის გასაძლიერებლად რამდენიმე ინკვიზიციურობის  ელემენტი.ეს მსჯელობის საგანია.შევიმუშავეთ არასრულწოანთა მართლმსაჯულების კოდექსი, გაგრძელდება მუშაობა ამ კოდექსის იმპლემენატაციისთვის",-განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა