საქართველოს ეროვნული გვარდიის დელეგაცია სამუშაო ვიზიტით უკრაინაში იმყოფება.

თავდაცვის სამინისტროს ინფორმაციით, ეროვნული გვარდიის უფროსი, ბრიგადის გენერალი ლევან გამყრელიძე და მისი მოადგილე, პოლკოვნიკი ომარ ბეგოიძე უკრაინის ეროვნული გვარდიის ხელმძღვანელობამ მიიწვია. ვიზიტი საქართველოსა და უკრაინის თავდაცვის უწყებებს შორის 2015 წლის ორმხრივი თანამშრომლობის გეგმის ფარგლებში განხორციელდა.

საქართველოს ეროვნული გვარდიის უფროსი უკრაინელმა კოლეგამ გენერალ-ლეიტენანტმა ნიკოლაი ბალანმა მიიღო. შეხვედრაზე მხარეებმა ერთმანეთს არსებული გამოცდილება გაუზიარეს და სამომავლო თანამშრომლობის პერსპექტივები დასახეს. ბრიგადის გენერალი ლევან გამყრელიძე უკრაინის შეიარაღებული ძალების გენერალური შტაბის საერთაშორისო ურთიერთობების დეპარტამენტის უფროსსაც შეხვდა.

საქართველოს ეროვნული გვარდიის დელეგაცია უკრაინის ეროვნული გვარდიის სხვადასხვა სამხედრო ქვედანაყოფებს ესტუმრება და არსებულ ინფრასტრუქტურას დაათვალიერებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პირველკლასელების სასკოლო ფორმები საქართველოშია და 1-14 სექტემბერს გაიყიდება

პოლონეთის საელჩო: კაჩინსკის 2008 წლის გაფრთხილება პირქუშ წინასწარმეტყველებას ჰგავს

„მნიშვნელოვანი დემოკრატიული უკუსვლა“: რას ამბობს ევროკავშირის ახალი ანგარიში საქართველოს შესახებ

უკანა სავარძელზე მსხდომ მგზავრებს შესაძლოა უსაფრთხოების ღვედების გამოყენება მოეთხოვოთ