ილია ჭავჭავაძის 180 წლის იუბილესთან დაკავშირებით,  საქართველოს მთავრობის მიერ ორგანიზებულ ღონისძიებათა ფარგლებში, სოფლის მეურნეობის მინისტრი ლევან დავითაშვილი საქართველოს აგრარული უნივერსიტეტის აგრარული და საბუნებისმეტყველო მეცნიერებების სკოლის მევენახეობა-მეღვინეობის პროგრამის სტუდენტებს შეხვდა.

საგურამოში,  გურამიშვილების მარანში გამართულ შეხვედრაზე სოფლის მეურნეობის მინისტრმა სტუდენტებთან ილია ჭავჭავაძეზე, როგორც სოფლის მეურნეობის დარგის განვითარების ნოვატორზე ისაუბრა.

„ილია - ჩვენი თანამედროვე“ ამ სათაურით აღვნიშნავთ წელს ილია ჭავჭავაძის 180 წლის იუბილეს. ის საკითხები, რომელსაც ილია ჭავჭავაძე თავის ნაშრომებში იხილავდა, ძალიან აქტუალურია დღესაც. სტრატეგია, რომელიც ქვეყანას ზოგადად  და, მათ შორის, სოფლის მეურნეობის განვითარების კუთხით გააჩნია, პირდაპირ თანხვედრაშია ილიას მოწოდებებთან, რაც ძალიან მნიშვნელოვანია”, - განაცხადა ლევან დავითაშვილმა.

მინისტრმა სტუდენტებთან იმ პუბლიცისტურ წერილებზე ისაუბრა, სადაც  ილია ჭავჭავაძე საქართველოში სოფლის მეურნეობის შესაძლებლობებზე, ამ შესაძლებლობების სწორად და ეფექტიანად გამოყენებისთვის  „დროთა შესაფერი ცოდნის“ აუცილებლობაზე, ქართული ღვინის უნიკალურობაზე, ფინანსური რესურსისა და ქართული პროდუქციისთვის ბაზრებზე ხელმისაწვდომობის საკითხებს განიხილავს.

მინისტრმა პარალელები ილიას მოსაზრებებსა და დღეს აგრარულ დარგში არსებულ ვითარებას, მიღწევებსა და სამომავლო გეგმებს შორის გაავლო.

(NS) 

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს