საქართველოში ევროკავშირის ელჩის იანოშ ჰერმანის განცხადებით, ვიზალიბერალიზაციის ამოქმედებიდან დღემდე, უვიზო რეჟიმით საქართველოს 90 ათასმა მოქალაქემ ისარგებლა.

როგორც ელჩმა დღეს გამართულ საგანგებო პრესკონფერენციაზე განაცხადა, 90 ათასი მოქალაქიდან უარი მხოლოდ 230-მა მიიღო.

„2017 წლის ოქტომბერში 6 თვე სრულდება მას შედეგ, რაც საქართველოს მოქალაქეებს უვიზოდ შეუძლიათ გადაადგილება ევროკავშირის, შენგენის ზონის ქვეყნებში. შეგვძლია დავასკვნათ, რომ საქართველოსთვის უვიზო მიმოსვლის შემოღება დიდი წარმატება იყო. პირველ 6 თვეში დაახლოებით 90 ათასმა მოქალაქემ  ისარგებლა  უვიზო მიმოსვლით. მთავარობამ ეფექტური საინფორმაციო კამპანია აწარმოა და შეძლო მოქალაქეების და მგზავრების ინფორმირება უვიზო მიმოსვლის  პირობებისა და შენგენის ზონაში დარჩენის ვადების შესახებ. შედეგად მოსახლეობა კარგად იყო ინფორმირებული უვიზო მიმოსვლის წესების შესახებ, რამაც შენგენის საზღვარზე უარის მიღების დაბალი მაჩვენებელი განაპირობა. 90 ათასიდან მხოლოდ 230-მა მიიღო უარი. დღეისთვის უვიზო მიმოსვლის შესახებ მონაცემები დადებითია. საქართველოს მთავრობასთან ერთად, თვალყურს ვადევნებთ უვიზო მიმოსვლის პროცესის მიმდინარეობას და მონიტორინგს ვუწევთ, რომ  არ მოხდეს  სისტემაში დარღვევები“,-განაცხადა ჰერმანმა.

რაც შეეხება, თავშესაფრის მოთხოვნის მაჩვენებელს, ჰერმანის თქმით,  საქართველოს მოსახლეობის რიცხოვნობასთან შედარებით „მნიშვნელოვანი ზრდა არ შეიმჩნევა“.

„აუცილებელია ამ ტენდენციის შენარჩუნება. შეგახსენებთ, რომ საქართველოს შემთხვევაში თავშესაფრის მინიჭების მაჩვენებელი ძალზედ დაბალია“, - განაცხადა ჰერმანმა და დასძინა, რომ ევროკავშირი ვიზების ლიბერალიზაციის პროცესის მონიტორინგის ანგარიშზე მუშაობს. 

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე