შინაგან საქმეთა სამინისტროს ევროკავშირის ექსპერტი ტყის ხანძრებისა და სამოქალაქო უსაფრთხოების საკითხებში - დიტერ პილატი ეწვია. ექსპერტს საქართველოს შინაგან საქმეთა მინისტრის მოადგილე მერაბ მალანია შეხვდა.

შეხვედრაზე საქართველოს შსს-ს საგანგებო სიტუაციების მართვის სააგენტოს შესაძლებლობების გაძლიერებისა და განვითარების გეგმაზე ისაუბრეს.

ვიზიტის ფარგლებში, ევროკავშირის ექსპერტი, ასევე, შეხვდა შსს-ს საგანგებო სიტუაციების მართვის სააგენტოს დირექტორს, ნიკოლოზ სირაძეს. სტუმარმა თბილისსა და რეგიონებში შსს-ს საგანგებო სიტუაციების მართვის სააგენტოს დანაყოფები დაათვალიერა და მათი საქმიანობის შესახებ დეტალური ინფორმაცია მიიღო.

ევროკავშირის ექსპერტმა ბორჯომის ხეობაში ნახანძრალი ტერიტორიებიც მოინახულა და იქ არსებულ ვითარებას გაეცნო.

დიტერ პილატის ვიზიტის მიზანი იყო შსს-ს საგანგებო სიტუაციების მართვის სააგენტოს საჭიროებების შეფასება, როგორც ორგანიზაციული მოწყობისა და საკანონმდებლო ბაზის მიმართულებით, ასევე, მატერიალურ-ტექნიკური აღჭურვის, მეხანძრე-მაშველთა კვალიფიკაციის ამაღლების და ადამიანური რესურსების მართვის კუთხით.

ევროკავშირის ექსპერტის რეკომენდაციები საქართველოს შს სამინისტროს საგანგებო სიტუაციების მართვის სააგენტოს უნიფიკაციის, სტანდარტიზაციისა და მოდერნიზაციის გეგმისა და განვითარების ახალი კონცეფციის შემუშავებაში დაეხმარება.

ტყის ხანძრებისა და სამოქალაქო უსაფრთხოების საკითხების ექსპერტის ვიზიტი საქართველოში ევროკავშირის მიერ დაფინანსებული ასოცირების შესრულების ხელშეწყობის პროექტის მხარდაჭერით განხორციელდა.

(NS)

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე