„ეს არის ორგანიზაცია, რომელიც შექმნილია მეგობარი სახელმწიფოების მიერ, რომელთაც მეტი სტაბილურობისა და განვითარების საერთო ინტერესები და ხედვა გააჩნიათ. ამ ორგანიზაციამ 20 წლის განმავლობაში შეძლო განევითარებინა ინსტიტუტები, ჩამოეყალიბებინა თანამშრომლობის შესაბამისი ფორმატები, ასევე დაემკვიდრებინა საკუთარი ადგილი საერთაშორისო ასპარეზსა და ფორმატებში" - ამის შესახებ საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ სუამ-ის საგარეო საქმეთა მინისტრთა საბჭოს საიუბილეო სხდომის დაწყებამდე განაცხადა.

როგორც მიხეილ ჯანელიძემ აღნიშნა ორგანიზაციის არსებობის განმავლობაში სუამმა შეძლო, განევითარებინა სავაჭრო-ეკონომიკური მიმართულებები, სატრანსპორტო კავშირები, უწყებათა შორისი და სექტორალური თანამშრომლობა, ასევე ხალხთაშორისი კონტაქტები. მინისტრის თქმით არსებული თანამშრომლობა ვითარდება არამარტო სუამ-ის წევრ სახელმწიფოებს შორის, არამედ ასევე სუამ-ის პარტნიორებთან.

საგარეო უწყების ხელმძღვანელის შეფასებით, წლევანდელი წელი გამოირჩევა განსაკუთრებული აქტივობებით. ამ კონტექსტში მიხეილ ჯანელიძემ ხაზი გაუსვა ქ. კიევში გამართულ შეხვედრას სუამ-ის წევრ სახელმწიფოთა მთავრობების მეთაურებს შორის, რამაც მინისტრის შეფასებით ახალი იმპულსი შესძინა ორგანიზაციის ფარგლებში ეკონომიკური და სხვა მრავალი მიმართულებით თანამშრომლობას. 

„ჩვენ გვაქვს საერთო ხედვა, რომელიც უკავშირდება თანამშრომლობიდან უფრო მეტ თანაქმედებაზე გადასვლას, რათა ერთად შევძლოთ კიდევ უფრო ძლიერი სუამის და ძლიერი ორგანიზაციის განვითარება. დღეს შევაფასებთ როგორც განვლილ 20 წელს და მიღწეულ შედეგებს, ასევე ვისაუბრებთ მომავალზე და იმ ხედვებზე, რომელმაც უნდა წარმართოს ამ ორგანიზაციის საქმიანობის შემდგომი 20 წელი" - განაცხადა მიხეილ ჯანელიძემ.

აღსანიშნავია, რომ საქართველო როგორც სუამის თავმჯდომარე ქვეყანა, დღეს თბილისში მასპინძლობს სუამის საგარეო საქმეთა მინისტრთა საბჭოს სპეციალურ სხდომას, რომელიც ორგანიზაციის დაფუძნებიდან მე-20 წლისთავს ეძღვნება.

ავტორი: ,

სოციალური ქსელები

ირანი აცხადებს, რომ აშშ-ის საჰაერო თავდასხმების შედეგად 14 ადამიანი დაიღუპა

აი ჯი დეველოფმენტ ჯორჯიამ, გალტ & თაგარტის ექსკლუზიური მხარდაჭერით, 39.5 მილიონი აშშ დოლარის მწვანე ობლიგაციები განათავსა

კორეული პრემიუმ ბრენდი Manyo უკვე PSP-შია

სახელმწიფოს ლამარიას მონასტრის ტერიტორიაზე კელიების სამშენებლო სამუშაოებზე სააგენტოს ნებართვა არ გაუცია, ეპარქია თავს იმართლებს