თბილისის მერიასთან „ნაციონალური მოძრაობის“ საპროტესტო აქცია მიმდინარეობს.

აქციის მონაწილეები საკრებულოს გადაწყვეტილებას აპროტესტებენ, რომლის მიხედვითაც, ქვეყნის ყოფილი პრემიერ-მინისტრის ბიძინა ივანიშვილის კომპანიას მიწის ნაკვეთები სიმბოლურ ფასად, ერთ ლარად გადაეცემა.

ისინი ითხოვენ, რომ დედაქალის მერიამ იმ ტერიტორიების გასხვისების თაობაზე საბოლოო გადაწყვეტილება არ მიიღოს.

"ახლა სწორედ მერიამ უნდა გადაწყვიტოს, რომ მოხდეს იმ მიწების გასხვისება ბიძინა ივანიშვილზე, რომელსაც საკრებულომ ზონის სტატუსი შეუცვალა. ამის შემდეგ, ისევ უნდა დაუბრუნოს საკრებულოს დოკუმენტი განსახილველად. სწორედ ამიტომ ვართ ჩვენ აქ, რომ გავაპროტესტოთ და მერიას არ მივცეთ საშუალება, რომ ასეთი გადაწყვეტილება მიიღოს და ამ გადაწყვეტილებას მსვლელობა მისცეს", - განაცხადა „ნაციონალური მოძრაობის“ თბილისის მერობის კანდიდატმა ზაალ უდუმაშვილმა.

ადგილზე საპატრულო პოლიციაა მობილიზებული.

შეგახსენებთ, რომ 29 სექტემბერს საკრებულოს სხდომაზე ბიძინა ივანიშვილის კომპანიისთვის მიწების გადაცემის საკითხზე იმსჯელეს. საუბარია პუშკინის სკვერის მიმდებარედ 1 900 კვ. მეტრი მიწის ნაკვეთის და ასევე, ბოტანიკური ბაღის მიმდებარედ 5000 კვ მეტრზე თაბორის მთაზე.

ავტორი: ,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა