ენერგეტიკის მინისტრის მოვალეობის შემსრულებლის კახა კალაძის ინფორმაციით, იურიდიული პირებისთვის ბუნებრივი აირის მოქმედი კომერციული ტარიფი შენარჩუნდება.

ამის შესახებ კალაძემ 1 მაისიდან ბუნებრივი აირის კომერციული ტარიფის მოსალოდნელი გაძვირების საკითხის კომენტირებისას განაცხადა.

„ამ ეტაპზე იურიდიული პირებისთვის არსებული კომერციული ტარიფი შენარჩუნდება. ბუნებრივი აირის სუბსიდირება ხორციელდება და ეს მომავალშიც გაგრძელდება“, - განაცხადა  კალაძემ.

რაც შეეხება ელექტროენერგიის ტარიფს, ენერგეტიკის მინისტრის მოვალეობის შემსრულებლის განცხადებით, აღნიშნულთან დაკავშირებით სემეკ-ში უკვე შესულია განაცხადი და მათ ტარიფის გადასახედად სექტემბრამდე აქვთ ვადა.

"სემეკ-ს აქვს ვადა სექტემბრამდე, რომ დაითვალონ, ნახონ კომპანიების მდგომარეობა. შესაბამისად, ეს სემეკ-ის კომპეტენციაა, არავის აქვს უფლება ჩაერიოს, არც მთავრობას, არც რომელიმე დაჯგუფებას“, - განაცხადა კალაძემ.

შეგახსენებთ, იურიდიული პირებისთვის ბუნებრივი აირის კომერციული ტარიფი პირველი მაისიდან 15 თეთრით უნდა გაძვირებულიყო. რაც შეეხება ელექტროენერგიას, “ენერგო-პრო ჯორჯიამ” საქართველოს ენერგეტიკისა და წყალმომარაგების მარეგულირებელ ეროვნულ კომისიას  ტარიფის კორექტირების თხოვნით დაახლოებით ერთი კვირის წინ მიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ე.წ. სააფთიაქო ნარკომანიის საქმეზე ჯანდაცვის მინისტრის ყოფილი მოადგილე დააკავეს

NGO-ები: წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი

ყალბი რეკლამით მოქალაქეებს ბინების მშენებლობა-რემონტს სთავაზობდნენ, მიისაკუთრეს 242 000 ლარი