ღვინის ეროვნული სააგენტოს თავმჯდომარის, რთველის საკოორდინაციო შტაბის ხელმძღვანელის გიორგი სამანიშვილის ინფორმაციით, რთველი 2017-ის სეზონზე, კახეთის რეგიონის მევენახეების მიერ ღვინის კომპანიებში ყურძნის რეალიზაციის შედეგად მიღებულმა შემოსავლებმა 72 მლნ ლარს მიაღწია.
სამანაშვილის განცხადებით, 2017 წლის რთველი არის იმის მაგალითი, რომ მომავალ წლებშიც რთველი ჯანსაღი პროცესებით და წარმატებით წარიმართება. 
"წელს პირველად მოგვეცა შესაძლებლობა, რომ კახეთში სუბსიდირების გარეშე ჩატარებულიყო რთველი, რადგან გაზრდილია მოთხოვნილება ქართულ ღვინოზე და ექსპორტი იზრდება. შესაბამისად, ჩვენც ვცდილობთ მინიმალურად ჩავერიოთ რთველის პროცესებში, მიუხედავად იმისა, რომ გახსნილია შტაბი და ხდება ჩაბარებული ყურძნის აღრიცხვა - ჩვენ არ ვერევით ყურძნის მწარმოებელსა და ყურძნის მყიდველს შორის მოლაპარაკებებში. სწორედ მთავრობის პოზიცია იყო რომ ჩვენ ნელ-ნელა უნდა გავსულიყავით სუბსიდირების პროცესიდან“ - აღნიშნა გიორგი სამანიშვლმა.
20 სექტემბრის 10.00 საათის მონაცემებით, კახეთის რეგიონში გადამუშავებულია 60 ათასი ტონა ყურძენი. აქედან, 26 ათასი ტონა რქაწითელი, 30 ათასი ტონა საფერავი, 2 ათასი ტონა კახური მწვანე, დანარჩენი კი სხვადასხვა ჯიშის ყურძენია.
დღეისთვის ყურძნის გადამუშავების პროცესში ჩართულია 100-მდე ღვინის კომპანია. 
სულ რთველის საკოორდინაციო შტაბში დარეგისტრირებულია 186 ღვინის კომპანია.
დღეღამური გადამუშავების მაჩვენებელმა 5 ათას ტონას აღწევს, რაც ნიშნავს რომ რთველი კახეთში კვლავ ქტიურ ფაზაშია. 
გადამუშავებული ყურძნის რაოდენობით მუნიციპალიტეტების მიხედვით შემდეგი მდგომარეობაა: ყვარელი - 22 ათასი ტონა, გურჯაანი - 14,6 ათასი ტონა, სიღნაღი - 7,8 ათასი ტონა, თელავი - 8,9 ათასი ტონა, დედოფლისწყარო - 2,1 ათასი ტონა, ლაგოდეხი - 2 ათასი ტონა, ახმეტა -  1.4 ათასი ტონა და საგარეჯო -  1,1 ათასი ტონა.
მეღვინეობის დარგის არსებული მდგომარეობის (ღვინის ექსპორტის ზრდა, საექსპორტო ბაზრების დივერსიფიკაცია, გაფართოებული ღვინის საწარმოები, იაფი აგროკრედიტებისა და აგროდაზღვევის განვითარებული სისტემა) და ყურძნის შესყიდვაზე კერძო სექტორის მხრიდან მოთხოვნილების ზრდის გათვალისწინებით, კახეთის რეგიონში 2017 წლის რთველზე ყურძენზე სუბსიდია აღარ გაიცემა. 
ამასთან ერთად, ბრენდის წარმოების განვითარების ხელშესაწყობად, ღვინის კომპანიები, რომლებიც საბრენდე სპირტისა და კონცენტრირებული ყურძნის ტკბილის წარმოების მიზნით რქაწითელსა და კახური მწვანის ჯიშის 1 კგ ყურძენს არანაკლებ 70 თეთრად შეისყიდიან, სახელმწიფოსგან კომპენსაციის სახით 35 თეთრს მიიღებენ.
რთველთან დაკავშირებული დამატებითი ინფორმაციის მიღება დაინტერესებულ პირებს  შეუძლიათ სოფლის მეურნეობის სამინისტროს ცხელი ხაზზე - 1501 და  ღვინის ეროვნული სააგენტოს ვებ-გვერდებზე:  http://georgianwine.gov.ge და http://rtveli2017.gov.ge.

(NS) 

ავტორი: ,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა