2017-08-10 09:52:52, 2273 ნახვა
საზოგადოება
თბილისის საერთაშორისო აეროპორტიდან ღამის განმავლობაში 8 ავიარეისი დაგვიანებით შესრულდა
პროგრამული ხარვეზის გამო, თბილისის შოთა რუსთაველის სახელობის საერთაშორისო აეროპორტიდან ღამის განმავლობაში, 22-დან 8 ავიარეისი დაგვიანებით შესრულდა.
როგორც "ექსპრესნიუსს" თბილისის საერთაშორისო აეროპორტის საზოგადოებასთან ურთიერთობის სამსახურში განუცხადეს, ღამის 00:00 საათიდან დილის 09:00 საათამდე 8 რეისი ქვეყნიდან დაგვიანებით გავიდა.
პრესსამსახურის განმარტებით, რეისების დაგვიანება სარეგისტრაციო პრობლემებით იყო გამოწვეული, კერძოდ კი, მგზავრები პროგრამის გაუმართაობის გამო რეგისტრაციას ვერ გადიოდნენ.
ამასთან, ყველა დანარჩენი რეისი დაგეგმილ დროს შესრულდა. ამ ეტაპისთვის რეისები შეფერხების გარეშე სრულდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
