პრემიერ-მინისტრი გიორგი კვირიკაშვილი მთავრობის სხდომაზე ბათუმში ჩატარებულ კონფერენციას „საქართველოს ევროპული გზა რეგიონული სტაბილურობისთვის“ გამოეხმაურა და აღნიშნა, რომ ის ძალიან წარმატებული იყო.

პრემიერმა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრს მადლობა გადაუხადა.

 „მინდა გამოვეხმაურო ბათუმში ჩატარებულ კონფერენციას „საქართველოს ევროპული გზა რეგიონული სტაბილურობისთვის“ და მადლობა გადავუხადო მინისტრს ბატონ ვიქტორ დოლიძეს. ძალიან წარმატებული კონფერენცია იყო. არცერთი დღემდე ჩატარებული კონფერენცია არ იყო ასეთი მასშტაბის როგორც  წელს იყო. ძალიან კარგია, რომ კონფერენცია ჩატარდა თანამონაწილეობით ესტონეთის როგორც ევროკავშირის საბჭოს თავმჯდომარე ქვეყნის და ასევე ლენარტ მერის კონფერენციის. მე ვფიქრობ, რომ ეს იყო ძალიან მნიშვნელოვანი ჩვენი ქვეყნისთვის გამომდინარე იქიდან, რომ ამ კონფერენციაზე ასევე შედგა ძალიან მნიშვნელოვანი დიალოგი ახალი თანამშრომლობის ფორმებზე აღმოსავლეთ პარტნიორობის ქვეყნებთან მიმართებაში, ხელმოწერილი იქნა მნიშვნელოვანი ხელშეკრულებები , მათ შორის ევროპის საინვესტიციო ბანკთან 250 მილიონი ევროს დაფინანსების თაობაზე.  ევროპის  რეკონსტრუქციისა და განვითარების ბანკთან და ევროპის რეკონსტრუქციისა და განვითარების ბანკი გამოყოფს აჭარაში, ბათუმისთვის 30 ახალი ავტობუსის შესაძენად. აქედან გრანტი იქნება 1,5 მილიონი ევრო, 5,5 მილიონი ევრო არის საკრედიტო  დაფინანსება და ნაწილი იქნება ელექტრო ავტობუსები, ასევე რაც სიახლეა ჩვენს ქვეყანაში  და ვფიქრობ უფრო და უფრო მეტი აქცენტი გაკეთდება მომავალში სუფთა ტრასპორტის მიმართულებით",-განაცხადა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”