„საქართველოს რეგიონებში გვაქვს რესურსები, რომლებიც გამოუყენებელია. ეს დაუშვებელია“, –ამის შესახებ საქართველოს პრემიერ–მინისტრმა ირაკლი ღარიბაშვილმა გუდაურში ბიზნესმენებთან შეხვედრაზე განაცხადა.

მისივე თქმით, იმისათვის, რომ საქართველოში არსებული რესურსები მაქსიმალურად და გონივრულად იყოს ათვისებული, ამაში მთავრობას ბიზნესის თანადგომა სჭირდება. 

 „ჩვენი მთავარი ამოცანაა, რეგიონებში უფრო მეტი აქტივობა იყოს, უფრო მეტი ჩართულობა ადგილობრივი ხელისუფლების, ადგილობრივი მოსახლეობის, მეტი სამუშაო ადგილები შევქმნათ და რაც მთავარია, ცენტრალური მთავრობა მზად ვართ, მაქსიმალური მხარდაჭერა აღმოგიჩინოთ ბიზნესის კეთების პროცესში, მაქსიმალურად გაგიადვილოთ ის პროცესები, რომლებიც შესაძლოა იყოს შემაფერხებელი, ვგულისხმობ ბარიერებს, რომლებიც წარმოიქმნება რაღაც გაუგებარი ბიუროკრატიის შემთხვევაში. საქართველოს რეგიონებს აქვს უზარმაზარი პოტენციალი, გვაქვს ჩვენი რესურსები, რომელიც გამოუყენებელია. ეს არის ყოვლად დაუშვებელი.  ეს რესურსები უნდა გამოვიყენოთ მაქსიმალურად ეფექტიანად და გონივრულად. ამაში რა თქმა უნდა მთავრობას ბიზნესის თანადგომა სჭირდება. ჩვენ ერთიანი ძალებით უნდა მოვახდინოთ ამ რესურსების ათვისება“, – აღნიშნა ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო