ფაქტობრივად, ბიუროკრატია არ არსებობს და ამიტომ არის ინტერესი საქართველოში ინვესტიციების განხორციელების კუთხით, - ამის შესახებ ვიცე-პრემიერმა, ენერგეტიკის მინისტრმა კახა კალაძემ საქართველო-ბელარუსის ბიზნესფორუმზე სიტყვით გამოსვლისას განაცხადა.

კახა კალაძემ საქართველოს საინვესტიციო პოტენციალის შესახებ ისაუბრა.

„ეკონომიკურად ძლიერი ქვეყნების თანამშრომლობა განაპირობებს თითოეული მოქალაქის კეთილდღეობასა და უსაფრთხოებას. ძალისხმევას არ ვიშურებთ, რომ საქართველო უფრო მიმზიდველი გახდეს ინვესტიციებისთვის. საქართველო მდიდარია შიდა ენერგეტიკული რესურსით, თუმცა ჩვენ მხოლოდ 17-20% გვაქვს ათვისებული. ამ მიმართულებით ყველაფერს ვაკეთებთ. იმედია, ბელარუსი დაინტერესდება ინვესტიციებით, რადგან საქართველოში მიმზიდველი ბიზნესგარემოა, საინტერესო რეგულაციები გადასახადების თვალსაზრისით. ფაქტობრივად ბიუროკრატია არ არსებობს“, - განაცხადა კახა კალაძემ.

ცნობისთვის, „თბილისი მერიოტში“ საქართველო–ბელორუსის ბიზნეს ფორუმი მიმდინარეობს, რომელიც ორი ქვეყნის სავაჭრო–სამრეწველო პალატის ორგანიზებით იმართება. ფორუმი საქართველოსა და ბელარუსის სავაჭრო–სამრეწველო პალატის პრეზიდენტებმა გახსნეს. მონაწილეებს სიტყვით ბელარუსისა და საქართველოს ვიცე–პრემიერებმა მიმართეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო