ელიავას ბაზრობის პირველი სექტორის დირექტორის გოჩა ხეცურიანის განცხადებით, ხანძრის შედეგად 12-მდე მაღაზია დაიწვა.

ხეცურიანის თქმით, ექსპერტ-კრიმინალისტებთან ერთად ელიავას ბაზრობის ტერიტორიაზე შევა, რის შემდეგაც ხანძრის შედეგად მიყენებული ზიანის დათვლა დაიწყება.

"ზუსტად რამდენი კვადრატი და რამდენი მაღაზიაა დამწვარი გავარკვევთ, ადგილზე ამ მიზნით შევდივართ. ხანძრის გამომწვევ მიზნებს კი სპეციალისტები დაადგენენ. ტერიტორია დაცული იყო და ადმინისტრაციას ხანძარსაწინააღმდეგო წესები კანონმდებლობის შესაბამისად დაცული გვქონდა. დენი 20:00 საათზე დაცვის სამსახურთან შეთანხმებით ითიშება. იმ ეტაპზე გათიშული იყო თუ არა, საქმის კურსში არ ვარ. მე დავიკითხე როგორც დირექტორი და დაკითხვა ინფორმაციულ ხასიათს ატარებდა. ინფორმაცია მივაწოდე, რამდენი კვადრატია, ვის ეკუთვნოდა, ბაზრობა რომელ საათზე იღება და იკეტება. ზარალის ზუსტი ოდენობა მეცოდინება, თუ სპეციალისტები შესვლის დროს დათვლის საშუალებას მომცემენ. საქონელი რამდენ ადამიანს ჰქონდა ვერ გეტყვით, ყველასთან შეხვედრა ვერ მოვასწარი. რამდენიმე მაღაზიის მფლობელს როგორც ვიცი ჰქონდა დაზღვევა. თავად ჩვენი შენობაც დაზღვეული იყო", - განაცხადა გოჩა ხეცურიანმა.

შეგახსენებთ, ე.წ. ელიავას ბაზრობაზე ხანძარი გუშინ გაჩნდა. ხანძარი ავტონაწილების მაღაზიაში გაჩნდა და შემდეგ მიმდებარე ტერიტორიაზე გავრცელდა. ცეცხლის ჩაქრობას 150-მდე მეხანძრე-მაშველი სცდილობდა. აღნიშნულ ფაქტზე გამოძიება შსს-ს პოლიციის დეპარტამენტის დეტექტივების სამმართველომ სსკ-ს 187-ე მუხლით დაიწყო. ამ დროისთვის ხანძარი ლიკვიდირებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა