ჯანელიძე დიასპორის წარმომადგენლებს: ჩვენი მიზანია, სადაც არ უნდა იყოთ, იყოთ კავშირში თქვენს სამშობლოსთან

2017-05-28 13:27:00, 1691 ნახვა

საზოგადოება

საქართველოს საგარეო საქმეთა მინისტრმა მიხეილ ჯანელიძემ დიასპორის ფორუმის მონაწილეებს უმასპინძლა. საქართველოს საგარეო უწყების ხელმძღვანელმა კიდევერთხელ მადლობა გადაუხადა დიასპორის წარმომადგენლებს თბილისში მიმდინარე ფორუმში მონაწილეობისათვის და აღნიშნა დიასპორის სახელმწიფო სტრატეგიისგანხორციელებაში მათი აქტიური ჩართულობის მნიშვნელობა.

მინისტრი მიესალმა ფორუმის ფარგლებში სამუშაო შეხვედრების ორგანიზებას, სადაც წარმოდგენილი კონკრეტული იდეები, მისი განცხადებით აუცილებლად აისახებასამთავრობო პროგრამებსა და პროექტებში. როგორც ჯანელიძემ განაცხადა საქართველოს მთავრობისთვის დიასპორა, საზღვარგარეთ მცხოვრები თანამემამულეები დამათთან ურთიერთობა პრიორიტეტულია.

"ის პროგრამა, რომელიც ჩვენ წარმოვადგინეთ არის ამბიციური პროგრამა, მას სჭირდება სამოქმედო გეგმა და იმპლემენტაცია. პროგრამაში წარმოდგენილი ხედვები, არისის რაც ყველას გვაერთიანებს, დარწმუნებული ვარ რომ ამ შემართებით, რაც დღეს ფორუმის მონაწილეებში იგრძნობოდა ჩვენ ეფექტურად მოვახდენთ პროგრამისრეალიზაციას. საქართველო წარმატებით ადგას ევროპული განვითარების გზას. მთავრობა გააკეთებს ყველაფერს, რომ თქვენ აქტიურად იყოთ ჩართული ამპროცესში. ჩვენი მიზანია, რომ თქვენ სადაც არ უნდა იყოთ, იყოთ კავშირში თქვენს სამშობლოსთან"-აღნიშნა მინისტრმა.

დიასპორის ფორუმი 2017 ოფიციალურად დაიხურა. შეხვედრის მონაწილეებმა ფორუმის დასასრულს სამუშაო ჯგუფებში განხილული საკითხები შეაჯამეს და შემდგომითანამშრომლობის შესაძლებლობები განიხილეს. თემატურ ჯგუფებში დისკუსია მიმდინარეობდა ისეთ საკითხებზე, რეგორიცაა სახალხო დიპლომატიაში დიასპორისპოტენციალის გამოყენება, ქვეყნის ეკონომიკურ განვითარებაში მათი ჩართულობის ხელშეწყობა, კულტურული თვითმყოფადობის და ეროვნული იდენტობისშენარჩუნება და ა. შ.

ღონისძიების დახურვის შემდგომ დიასპორის წარმომადგენლები ეწვივნენ კოჯორს, სადაც პატივი მიაგეს და გვირგვინით შეამკეს იუნკერთა მემორიალი.