თურქეთის ქალაქ ორდუში საქართველოს მოქალაქე მოკლეს, - ამის შესახებ ინფორმაციას თურქული მედია ავრცელებს.

მედია საშუალების ცნობით, 34 წლის ქალბატონი სასტიკად არის ნაწამები.

თურქული სააგენტო წერს, რომ ეჭვმიტანილი დაკავებულია, ხოლო ქალის ცხედარი მის სახლში იპოვეს.  

როგორც ემიგრანტი შოთა სიხარულიძე Facebook-ის საკუთარ გვერდზე წერს, საქართველოს მოქალაქე ადგილობრივმა მამაკაცმა გაიტაცა და რამდნეიმე საათის განმავლობაში აწამებდა.

მისივე თქმით, გარდაცვლილი ყელგამოჭრილი იპოვეს. მეზობლებმა სუნი იგრძნეს, რის შემდეგადაც პოლიცია გამოიძახეს.

სიხარულიძის ინფორმაციით, ქალბატონი დილით სახლიდან გავიდა, შემდეგ რამდენიმე საათით გაუჩინარდა და ტელეფონს არ პასუხობდა. ემიგრანტის განცხადებით, ეჭვმიტანილი გარდაცვლილის უბნელი იყო.  

როგორც "ექსპრესნიუსს" საგარეო საქმეთა სამინისტროში განუცხადეს, გარდაცვლილის საქართველოში გადმოსვენების პროცედურებზე მუშაობა მიმდინარეობს. 

"საქართველოს საკონსულოში შესულია შეტყობინება თურქეთის პოლიციის მხრიდან. შესაბამისად, საკონსულო მუდმივ კომუნიკაციაში იმყოფება როგორც მოკლულის ოჯახის წევრებთან, ისე ადგილობრივ სამართალდამცველებთან. გარდაცვლილის საქართველოში გადმოსვენების პროცედურებზე მუშაობა მიმდინარეობს", - აცხადებენ უწყებაში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა