თალაკვაძე: საგამოძიებო ორგანოებს გონივრული დრო უნდა მივცეთ და კომისიის შექმნის საკითხი შემდეგ განვიხილოთ

2017-05-18 20:23:29, 2112 ნახვა

პოლიტიკა

„საგამოძიებო ორგანოებს გონივრული დრო უნდა მივცეთ და კომისიის შექმნის საკითხი შემდეგ განვიხილოთ“,-ასე გამოეხმაურა საპარლამენტო უმრავლესობის ლიდერი არჩილ თალაკვაძე თორდია-ფარცხალაძის საქმეს.

თალაკვაძის თქმით, აღნიშნულ საკითხზე „ქართული ოცნების“ პოზიცია ცალსახად ჩამოყალიბებულია.

„პარლამენტის თავმჯდომარემაც თავისი პოზიცია დააფიქსირა. პირველ რიგში, ეს როგორც კანონმდებლობით გათვალისწინებულია, ნებისმიერ ცივილიზებულ ქვეყანაში ხდება და უნდა ხდებოდეს, საგამოძიებო ორგანოებს გონივრული დრო უნდა მივცეთ და მხოლოდ ამის შემდეგ უნდა განვიხილოთ საგამოძიებო კომისიის შექმნის საკითხი. შეფასებები მას შემდეგ უნდა გავაკეთოთ, რაც სიმართლე გაირკვევა“, - აღნიშნა თალაკვაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან