რუსეთში, ჰაკასიის რესპუბლიკაში ხანძრის შედეგად 15 ადამიანი გარდაიცვალა, 1200-ზე მეტი საცხოვრებელი სახლი კი დაიწვა.

დაღუპელებს შორის ბავშვიცაა. სხვადასხვა დაზიანებები 500-ზე მეტმა ადამიანმა მიიღო, უმეტესად დამწვრობა და გაზით მოწამვლა. ამ დროისათვის ხანძრის კერები ლოკალიზებულია.

წინასწარი ინფორმაციით, ხანძარი მშრალი ბალახის დაწვამ გამოიწვია.

ხანძარი გუშინ რესპუბლიკის 30-ზე მეტ დასახლებულ პუნქტში გავრცელდა, რის შედეგადაც რამდენიმე ათასი ადამიანი უსახლკაროდ დარჩა.

ადგილობრივი ხელისუფლების ცნობით, უსახლკაროდ დარჩენილების საცხოვრებელი სახლების აღდგენას სულ მცირე 100 მილიონი დოლარი სჭირდება. ხანძრის ჩაქრობაში მონაწილეობას სამხედრო მოსამსახურეებიც იღებდნენ. მომხდართან დაკავშირებით ხუთი სისხლის სამართლის საქმეა აღძრული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ჰორმუზის სრუტეზე აშშ-ის სრული კონტროლი გამოაცხადა: „ვფიქრობ, ჩვენ მას შევინარჩუნებთ“

Wildberries-ის აპლიკაცია აშშ-ის App Store-დან გაქრა

ადვოკატი: ნატა ვიბლიანი პროკურატურამ ოფიციალურად ცნო დაზარალებულად

კობა ფარტენაძის მიმართ ძალადობისა და დანით დაჭრის მუქარის ბრალდებით დაკავებულები გირაოს სანაცვლოდ გათავისუფლდნენ