დონალდ ტრამპი: პატივი მქონდა მივსალმებოდი გიორგი კვირიკაშვილს

2017-05-09 01:22:04, 2064 ნახვა

პოლიტიკა

აშშ-ს პრეზიდენტი დონალდ ტრამპი საქართველოს პრემიერ-მინისტრთან გიორგი კვირიკაშვილთან შეხვედრის შესახებ "ტვიტერზე" წერს.

"დიდი პატივი მქონდა დღეს თეთრ სახლში მივსალმებოდი გიორგი კვირიკაშვილს",- წერს ტრამპი.

საქართველოს პრემიერ-მინისტრმა გიორგი კვირიკაშვილმა ამერიკის პრეზიდენტი დონალდ ტრამპი საქართველოში მოიწვია. საუბარი აშშ-ს პრეზიდენტის სამუშაო კაბინეტში გაიმართა.

შეხვედრის დასაწყისში პრეზიდენტმა ტრამპმა ხაზგასმით აღნიშნა, რომ საქართველო ამერიკისთვის მნიშვნელოვანი ქვეყანაა, რომელთანაც სტრატეგიული ურთიერთობა და პარტნიორობა აკავშირებს. მხარეებმა ორი ქვეყნის ურთიერთობების მნიშვნელოვანი საკითხები განიხილეს და სამომავლო გეგმებზე ისაუბრეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან