თურქეთში, ქალაქ რიზესთან მომხდარი ავტოსაგზაო შემთხვევის შედეგად დაშავებული საქართველოს მოქალაქეების ჯანმრთელობის მდგომარეობა სტაბილურია.

აჭარის ჯანდაცვის სამინისტროს ინფორმაციით, პაციენტები სტაციონარულ მკურნალობას გადიან. ისინი თურქეთის რესპუბლიკას გამოჯანმრთელების შემდეგ დატოვებენ. სამედიცინო ხარჯებს, სრულად თურქული მხარე გაიღებს.

გუშინ, ავტოსაგზაო შემთხვევის შედეგად დაშავებული საქართველოს მოქალაქეების მოსანახულებლად, რიზეში, აჭარის ჯანდაცვის მინისტრი ზაალ მიქელაძე და შუახევის მუნიციპალიტეტის გამგებელი იმყოფებოდნენ.

რეგიონის წარმომადგენლები ადგილზე გაეცნენ დაშავებულთა მდგომარეობას, შეხვდნენ ადგილობრივ ექიმებს და დაზარალებულთა ახლობლებს.

„მოვინახულეთ ავტოავარიის შედეგად დაშავებული ჩვენი მოქალაქეები. სამი მათგანის მდგომარეობა სტაბილურია, ორი პაციენტისა კი შედარებით მძიმე. აქ ყველაფერი კეთდება მათ გამოსაჯანმრთელებლად. თურქული მხარე, კერძოდ რიზეს ჯანდაცვის სამსახური საკუთარ თავზე იღებს ამ შემთხვევასთან დაკავშირებულ ყველა ფინანსურ ხარჯს. აჭარის მთავრობა და ჯანდაცვის სამინისტრო კი საჭიროების შეემთხვევაში აანაზღაურებს მათი რეაბილიტაციისათვის საჭირო ყველა შემდგომ ეტაპს“, - განაცხადა მინისტრმა ზაალ მიქელაძემ დაშავებული პაციენტების მონახულების შემდეგ.

თურქეთში, მინისტრთან ერთად აჭარის მთავრობის თავმჯდომარის მეუღლე სოფიო ბაკურიძე იმყოფება. რეგიონის წარმომადგენლებმა პაციენტები თურქეთში საქართველოს კონსულთან ავთანდილ მიქაცაძესთან ერთად მოინახულეს.

ავტოსაგზაო შემთხვევა რიზესთან ახლოს 9 აპრილს მოხდა, რის შედეგად დაშავდა მაღალმთიანი აჭარის 6 მკვიდრი, სამწუხაროდ ერთი მათგანი გარდაიცვალა. თურქეთში, მინისტრი და მუნიციპალიტეტის გამგებელი აჭარის მთავრობის თავმჯდომარის ზურაბ პატარაძის დავალებით იმყოფებოდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს