თურქეთის ქალაქ რიზეში ავტოსაგზაო შემთხვევა მოხდა, რის შედეგადაც საქართველოს 1 მოქალაქე დაიღუპა, 5 კი დაშავდა, - ამის შესახებ ინფორმაციას თურქული მედია ავრცელებს.

მედია საშუალების ცნობით, დაშავებულები ქალაქის საუნივერსიტეტო კლინიკაში არიან გადაყვანილი.

ავტოსაგზაო მიზეზებს ადგილობრივი სამართალდამცველები უკვე სწავლობენ. არსებული ინფორმაციით, სამგზავრო მიკროავტობუსი საპირისპირო მიმართულებით მოძრავ ავტომობილს შეეჯახა, რის გამოც მიკროავტობუსს ცეცხლი გაუჩნდა. ადგილზე სახანძრო სამსახურის მაშველები მუშაობდნენ. 

როგორც "ექსპრესნიუსს" საგარეო საქმეთა სამინისტროში განუცხადეს, გარდაცვლილი მოქალაქე საქართველოში უკვე გადმოასვენეს.

უწყების ინფორმაციით, დაშავებულები ტრაპზონში გენერალურმა კონსულმა ავთანდილ მიქაძემ უკვე მოინახულა და მათ სამედიცინო დახმარება უკვე გაუწიეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს