ექსპერტები ქართველ კოლეგებთან ერთად დამისამართების ახალ მოდელს და მის ევროპულ სტანდარტებთან შესაბამისობას, სოფლად არსებული გეოგრაფიული ობიექტების აღწერასა და დანომვრას, დოკუმენტაციის შედგენასა და სხვა საკითხებს განიხილავენ.

ამის შესახებ „ექსპრესნიუსს“ საჯარო რეესტრიდან აცნობეს.

მათივე ინფორმაციით, ამას გარდა, შვედი ექსპერტები საქართველოში ადმინისტრაციულ საზღვრებთან დაკავშირებით არსებულ სიტუაციასა და გამოწვევებს გაეცნობიან,  ქართველ კოლეგებს შვედურ მოდელს გააცნობენ და  მომავალ საქმიანობებთან დაკავშირებით რეკომენდაციებს მოამზადებენ.

სამუშაო შეხვედრები გაიმართება მეტამონაცემების მართვაზე, სადაც   NSDI-ის მეტამონაცემების პროფილთან, კატალოგთან, რედაქტორთან და გეოპორტალზე გამოქვეყნებასთან დაკავშირებული საკითხები იქნება განხილული.

სამუშაო ვიზიტი პროექტის „მიწის საინფორმაციო სისტემის სანდოობა საქართველოში" ფარგლებში ტარდება, რომელიც საჯარო რეესტრისა და შვედეთის კარტოგრაფიის, კადასტრისა და მიწის რეგისტრაციის ორგანოს (Lantmäteriet) მიერ, შვედეთის საერთაშორისო განვითარების თანამშრომლობის სააგენტოს (Sida) დაფინანსებით ხორციელდება.

სამუშაო ვიზიტი 6 აპრილს დასრულდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა