დღეს სასტუმრო ,,ოაზისში" ჩატარდა ფორუმი სახელმწოდებით ,,რეგიონის განვითარება და ახალგაზრდობის როლი». ღონისძიებას აჭარის მთავრობის თავმჯდომარე ზურაბ პატარაძე საკანონმდებლო და აღმასრულებელი ხელისუფლების წარმომადგენლებთან ერთად დაესწრო.

ფორუმი კითხვა -პასუხის რეჟიმში წარიმართა. რეგიონის პირველმა პირმა სტუდენტების მიერ დასმულ შეკითხვებს უპასუხა.

ზურაბ პატარაძემ ყურადღება გაამახვილა ახალგაზრდების განათლების საქმეში სახელმწიფოს მხრიდან არსებულ ხელშეწყობაზე და მათ როლზე რეგიონის განვითარებაში. მთავრობის თავმჯდმომარემ ყურადღება გაამახვილა ასევე ვიზალიბერალიზაციის თემაზე და იმ ახალ რეალობაზე და შესაძლებლობებზე, რომელსიც საქართველომ ევროინტეგრაციის გზაზე მიაღწია. ზურაბ პატარაძემ აღნიშნა, რომ ხშირი კომუნიკაცია და შეხვედრები მთავრობასა და ახალგაზრდობას შორის აუცილებელია: ,, მე დარწმუნებული ვარ, რომ ჩვენი ქვეყნის და რეგიონის ახალგაზრდებს აქვთ დიდი მომავალი. ასევე მჯერა იმისაც, რომ ჩვენ ყველა ერთად, აუცილებლად მივაღწევთ წარმატებას".

ფორუმში მონაწილეობას  ბათუმის შოთა რუსთაველის სახელმწიფო უნივერსიტეტის, ბათუმის ხელოვნების სასწავლო უნივერსიტეტის,ბათუმის სახელმწიფო საზღვაო აკადემიისა და საქართველოს უნივერსიტეტის სტუდენტები მონაწილეობდნენ. 

ფორუმი სპორტისა და ახალგარზდობის საქმეთა დეპარტამენტის „ახალგაზრდობის საქმეთა სფეროს ხელშეწყობის ფარგლებში" გაიმართა. ფორუმი 2 დღიანი იყო და დღეს დაიხურა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს