საქართველოს პარლამენტმა რატიფიცირება გაუკეთა საგრანტო შეთანხმებებს საქართველოსა და აშშ-ის საერთაშორისო განვითარების სააგენტოს (USAID) შორის, რომლითაც გაიზარდა გრანტის მოცულობა შემდეგი მიმართულებებით: „ინკლუზიური და მდგრადი ეკონომიკური ზრდა“, „მზარდად სტაბილური, ინტეგრირებული და ჯანსაღი საზოგადოება“ და „დემოკრატიული კონტროლი და ბალანსი და ანგარიშვალდებული მმართველობა“. აღნიშნული საგრანტო შეთანხმებები სარატიფიკაციოდ გაიტანა ფინანსთა მინისტრის მოადგილე გიორგი კაკაურიძემ. 

პროექტის „ინკლუზიური და მდგრადი ეკონომიკური ზრდა“ მიზანია ეკონომიკური მართვისა და ხელმძღვანელობის გაუმჯობესება, გლობალური ბიზნეს სტანდარტების საყოველთაო დანერგვა, სამიზნე სექტორებში კონკურენტუნარიანობის გაზრდა, საქართველოს ბუნებრივი რესურსების ეფექტურად მართვა და მაღალი კომპეტენციის, ბაზარზე ორიენტირებული სამუშაო ადგილების შექმნა. 
რაც შეეხება პროექტს „მზარდად სტაბილური, ინტეგრირებული და ჯანსაღი საზოგადოება“ მიზანია სამიზნე ჯგუფების ჩართულობის გაზრდა, საქართველოში მცხოვრები უმცირესობების, ქალების, შეზღუდული შესაძლებლობების მქონე პირთა და იძულებით  გადაადგილებულ  პირთა მზარდი ინტეგრაცია და ჩართულობა, ადამიანის უფლებათა დაცვა. პროექტის ფარგლებში დაგეგმილია აქტივობები შემდეგი ორი  მიმართულებით: სამოქალაქო საზოგადოება და სამოქალაქო და ეკონომიკური სერვისები მოწყვლადი მოსახლეობისათვის.

მესამე პროექტი, რომლის დასახელებაა „დემოკრატიული კონტროლი და ბალანსი და ანგარიშვალდებული მმართველობა“, მისი მიზანია მოქალაქეების მოთხოვნის შესაბამისი და ეფექტური მმართველობისა და მომსახურების მიწოდება, კანონის უზენაესობის დამოუკიდებელი, თანმიმდევრული და პროფესიული გამოყენება, მოქალაქეების უფრო მეტად ჩართულობა საზოგადოებრივ საქმეებში. აღნიშნული პროექტის ფარგლებში დაგეგმილია აქტივობები შემდეგი სამი  მიმართულებით: კანონის უზენაესობა და ადამიანის უფლებები; დემოკრატიული მმართველობა და სამოქალაქო საზოგადოება.

სამივე შეთანხმების თანახმად, აშშ-ის საერთაშორისო განვითარების სააგენტომ საქართველოს დამატებით გამოუყო გრანტი 21 მილიონ აშშ დოლარამდე. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით

TI: „ქართული ოცნების“ დონორებთან დაკავშირებულმა კომპანიებმა 17.7 მილიონი ლარის ღირებულების სამთავრობო კონტრაქტები მიიღეს.

დაპორტირდი სელფიში და მიიღე ყველაფერი ულიმიტო 3 თვე სრულიად უფასოდ

ბაზისბანკის მხარდაჭერით საქართველოს ეკონომიკის ასოციაციის II საერთაშორისო კონფერენცია გაიმართა