საპარლამენტო უმრავლესობა ინიციატივით გამოდის - 12 აგვისტო შესაძლოა უქმე დღედ გამოცხადდეს

2017-03-07 13:23:31, 1755 ნახვა

საზოგადოება

საპარლამენტო უმრავლესობის წევრები 12 აგვისტოს დასვენების დღედ გამოცხადების ინიციატივით გამოდიან.

დეპუტატების თქმით, საქართველოს ხელისუფლებამ ევროინტეგრაციის პროცესის პარალელურად, ვიზალიბერალიზაციის მიღების შემდგომ მეტი ძალისხმევა უნდა მიმართოს სახელმწიფო გაერთიანებისა და შიდა ეროვნული კონსოლიდაციისკენ.

ცნობისთვის, აღნიშნული თარიღი შერჩეულია დიდგორის ბრძოლასთან დაკავშირებით.

დიდგორობის, როგორც "სრულიად საქართველოს დიდი გამარჯვების დღის" აღნიშვნა კი მათი აზრით, საზოგადოებაში ერთიანი სახელმწიფოებრივი იდეის რწმენას გააღვივებს.

ინიციატორები დეპუტატები ალექსანდრე ქანთარია, აკაკი ზოიძე, ლერი ხაბელოვი, შოთა ხაბარელი, კობა კობალაძე, ლევან კობერიძე და კარლო კოპალიანი არიან.

შეგახსენებთ, რომ 12 აგვისტო 1121 წელს დიდგორის ბრძოლაში გამარჯვების დღეა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან