მთავრობა საფინანსო სექტორის ზედამხედველობის ეროვნულ ბანკში დაბრუნებასთან დაკავშირებულ კანონპროექტს პარლამენტს წარუდგენს. ამის შესახებ პირველმა ვიცე-პრემიერმა, ფინანსთა მინისტრმა დიმიტრინ ქუმსიშვილმა ჟურნალისტებს განუცხადა.

„დღეს საქართველოს მთავრობაზე წარვადგინეთ ჯამში 17 კანონისგან შემდგარი პროექტი, რომელიც ითვალისწინებს საფინანსო სექტორის ზედამხედველობის ეროვნულ ბანკში დაბრუნებას. 2015 წელს საქართველოს პარლამენტმა მიიღო კანონპროექტებში ცვლილება, რომლის მიხედვით, საფინანსო სექტორის ზედამხედველობა უნდა გადასულიუყო დამოუკიდებელი საჯარო სამართლის იურიდიულ პირთან, საქართველოს საფინანსო ზედამხედველობის სააგენტოსთან. ამის შემდეგ საკონსტიტუციო სასამართლოში მოხდა მათი გასაჩივრება, შესაბამისად, რამდენჯერმე განვაცხადეთ, რომ ბოლო პერიოდის ცვლილებების შედეგად მიგვაჩნდა, რომ საფინანსო ზედახმედველობა უნდა დაბრუნებულიყო ეროვნულ ბანკში, აქედან გამომდინარე, აღარ ველოდებით საკონსტიტუციო სასამართლოს მსჯელობას და პარლამენტს წარვუდგენთ პირველანდელი სახით იმ კანონპროექტებს, რომელიც ეხება საფინანსო სექტორის ზედამხედველობას“,- აღნიშნა ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მონაკოში მომხდარი აფეთქების შედეგად უკრაინელი ოლიგარქი და მისი ცოლი მძიმედ დაშავდნენ

SJC: ევროპულმა სასამართლომ FARA-სა და გრანტების კანონთან დაკავშირებით საჩივრის არსებითი განხილვა დაიწყო

კეიკო ფუჯიმორი პერუს პირველი ქალი პრეზიდენტი გახდა

საგამოძიებო: ორ სხვადასხვა კორუფციულ საქმეზე ორი პირი დავაკავეთ