ვარდების მოედანზე „რუსთავი2“-ის მხარამჭერები შეიკრიბნენ. მათ შორის არასამთავრობო ორგანიზაციების წარმომადგენლები და „ნაციონალური მოძრაობის“ წევრები არიან. როგორც "ნაციონალური მოძრაობის" წევრმა რომან გოცირიძემ  ჟურნალისტებს განუცხადა,  ტელევიზიის მხარდასაჭერად რაიონებიდან ჩამოსულები არიან  პარტიის აქტივისტები. მისივე თქმით, დღეს საზოგადოება იცავს არა მხოლოდ „რუსთავი2“-ს, არამედ  ნებისმიერ ტელევიზიას, გაზეთს, თუ სააგენტოს.

„თუკი „რუსთავი2“ დამარცხდება, მთელს ქვეყანაში გაჩნდება განცდა, რომ  „რუსთავი2“-ს როგორც მოერია ხელისუფლება, ისე მოერევა შედარებით სუსტებს. ვიცავთ დეოკრატიას და სიტყვის თავისუფლებას, ჩვენ არავის დავანებებთ,  ქვეყანაში ფეხვქეშ გათელოს ჩვენი უფლებები. ფაქტობრივად, დარჩა ბოლო ბასტიონი. პირველი არხიც კი ვერ აიტანეს, ხელისუფლებას დამორჩილებული მაუწყებელიც  კი. ჯერ კიდევ შეიძლება მივაწვდინოთ ჩვენი ხმა. რაც შეეხება „ნაციონალურ მოძრაობას“ , პარტიის აქტივი ჩამოსულია რაიონიდანაც. თითოეული საქართველოს კუთხე, „ ნაციონალური მოძრაობის“ თითოეული  წევრი, საკუთარი სურვილით, რწმენით დგას აქ ჩვენს გვერდით“,-განაცხადა რომან გოცირიძემ.

ამწუთებში ვარდების მოედანზე შეიკრებილები პარლამენტის შენობის მიმართულებით მსვლელობით გადაადგილდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საგამოძიებო: ორ სხვადასხვა კორუფციულ საქმეზე ორი პირი დავაკავეთ

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen