ექიმი - პატრიარქი თავს კარგად გრძნობს და საქართველოში წასასვლელად ემზადება

2017-02-18 12:00:25, 1098 ნახვა

საზოგადოება

ბერილინის კლინიკის მთავარი ქირურგის მარტინ შტრიკის განცხადებით, პატრიარქი თავს კარგად გრძნობს და საქართველოში წასასვლელად ემზადება.

როგორც ექიმმა ტელეკომპანია "იმედის" ჟურნალისტთან საუბარში აღნიშნა, ილია მეორე ექიმების მეთვალყურეობის ქვეშ იმყოფება, თუმცა მას კლინიკიდან ორშაბათს გაწერენ.

"პატრიარქის მდგომარეობა დადებითია. ის თავს კარგად გრძნობს და საქართველოში წასასვლელად ემზადება. მას ორშაბათს გავწერთ. ამ დროის მონაცემებით ყველაფერი კარგად არის. უწმინდესი თავს საუკეთესოდ გრძნობს", - განაცხადა ექიმმა.

შეგახსენებთ, რომ ილია მეორე გერმანიაში სამკურნალოდ 2 თებერვალს გაემგზავრა. პატრიარქს ლაპარასკოპიული მეთოდით ნაღვლის ბუშტის ოპერაცია 13 თებერვალს ჩაუტარდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან