აბაშიძე-კარასინის შეხვედრის თემატიკას ცხინვალში გამოხმაურება მოჰყვა. საქმე ეხება 2011 წელს გაფორმებულ ხელშეკრულებას, რომელიც რუსეთ-საქართველოს შორის საბაჟო დერეფნების ამოქმედებას ითვალისწინებს. რამდენიმე დღის წინ პრაღაში დოკუმენტის პრაქტიკულ იმპლემენტაციაზე იმსჯელეს, - ამის შესახებ სპეციალური განცხადება "სამხრეთ ოსეთის" ე.წ. საგარეო საქმეთა სამინისტრომ გაავრცელა.

როგორც განცხადებაშია მათქვამი, ცხინვალი ხელშეკრულების მხარეს არ წარმოადგენს და დოკუმენტის პრაქტიკული ამოქმედება საეჭვოა.

"გასაგებია შეშფოთება, რომელსაც საზოგადოებაში მსგავსი ინფორმაცია იწვევს, რადგან ასეთი საკითხები, ბუნებრივია, ეკონომიკის, უსაფრთხოებისა და ეკოლოგიის სფეროებში სამხრეთ ოსეთის ინტერესებს ეხება. თუმცა, თხოვნა გვაქვს, არ ვიჩქაროთ დასკვნების გაკეთებაში და არ დავხარჯოთ ამ პრობლემების განხილვაზე ფუჭი ემოცია. ტვირთების ტრანზიტის საკითხი სამხრეთ ოსეთის ტერიტორიაზე შეიძლება გადაწყდეს მხოლოდ სამხრეთ ოსეთის ხელისუფლებასთან მოლაპარაკებების შედეგად, შესაბამისი იურიდიული ბაზის საფუძველზე", - აღნიშნულია განცხადებაში.

გარდა ამისა, პრაღაში დერეფნების საკითხის განხილვას ეხმაურებიან სომხური მედიასაშუალებები და ექსპერტები. ერევანში ფიქრობენ, რომ ცხინვალის რეგიონის მიმართულება შესაძლებელია გახდეს ზემო ლარსის ალტერნატივა, რადგან რუსეთ-საქართველოს შორის არსებული ერთადერთი ოფიციალური გამშვები პუნქტი ხშირად კლიმატური პირობების გამო იკეტება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს