სახელმწიფო უსაფრთხოებისა და კრიზისების მართვის საბჭოს აპარატის, შსს საგანგებო სიტუაციების მართვის ეროვნული სააგენტოს, საქართველოს თავდაცვის სამინისტროს ეროვნული გვარდიის, ამერიკის შეერთებული შტატების საელჩოს და აშშ-ს არმიის საინჟინრო კორპუსის ორგანიზებით სამთავრობო უწყებათშორისი სწავლება „კოლხიდა 2017“ - აქტიურ ფაზაშია.

სახელმწიფო უსაფრთხოებისა და კრიზისების მართვის საბჭოს მდივნის მოადგილე კახა ოქროჯანაშვილისა და შესაბამისი სამინისტროების ხელმძღვანელი პირების მონაწილეობით, ეროვნულ სიტუაციურ ოთახში გაიმართა სახელმწიფო უსაფრთხოებისა და კრიზისების მართვის საბჭოს იმიტირებული სხდომა, რომელზეც მიღებულ იქნა უმაღლესი პოლიტიკური გადაწყვეტილებები სწავლების სცენარით განსაღვრულ კრიზისულ მდგომარეობასთან დაკავშირებით.

სწავლების მიზანია კრიზისული მდგომარეობის მართვის დროს უწყებათშორისი თანამშრომლობის დახვეწა, კრიზისების მართვის ორგანოებში გადაწყვეტილების მიღების პროცესის, ასევე საერთაშორისო დახმარების მოთხოვნის, მიღების და განაწილების პროცედურების გაუმჯობესება, მაღალი რანგის თანამდებობის პირების ჩართულობა გადაწყვეტილების მიღების პროცესში.

„კოლხიდა 2017“ ეროვნულ სიტუაციურ ოთახში, საგანგებო სიტუაციების მართვის ეროვნული სააგენტოს საველე ოპერაციების ცენტრსა და ეროვნული გვარდიის ბაზაზე ერთდროულად მიმდინარეობს.

უწყებათშორისი სწავლება, რომელშიც სხვადასხვა შესაბამისი უწყების 120 წარმომადგენელი მონაწილეობს, 10 თებერვალს დასრულდება. სწავლების პარტნიორია ნატო-საქართველოს ერთობლივი წვრთნებისა და შეფასების ცენტრი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს