საქართველოს განათლებისა და მეცნიერების მინისტრი ალექსანდრე ჯეჯელავა ჟურნალისტებს ხვდება.

მინისტრი მედიას განათლების სფეროში არსებულ ბოლო სიახლეებს აცნობს.

როგორც ჯეჯელავამ აღნიშნა, ერთ-ერთი მნიშვნელოვანი რეფორმა მასწავლებლების დამტკიცებასთან დაკავშირებით აქტიურად და წარმატებით მიმდინარეობს.

მისი თქმით, მასწავლებლად დამტკიცებისთვის, პედაგოგმა ორი გამოცდა უნდა ჩააბაროს და სხვადასხვა აქტივობებში მიიღოს მონაწილეობა.

”მასწავლებელმა 3 საფეხური უნდა გაიაროს. გარდა ამისა, მინდა აღვნიშნო, რომ ყველა საფეხური საკმაოდ რთულია. მოველით, რომ 2017 წელს უფროსი მასწავლებელი გახდება 4000-დან 4500-მდე პედაგოგი, რაც წინა წელთან შედარებით 8%-იანი ზრდაა. ამასთან, მსგავს ზრდას ველოდებით მომდევნო წლებში. აღსანიშნავია, რომ 2016 წელს უფროსი მასწავლებელი დაახლოებით 800 პედაგოგი გახდა ”, - აღნიშნა ჯეჯელავამ.

რაც შეეხება, მასწავლებლების ტრენინგებს, მინისტრის თქმით, პედაგოგების გადამზადება მიმდინარეობს და მას ”მასწავლებლის სახლი” აფინანსებს.

კიდევ ერთი საკითხი, რომელზეც ალექსანდრე ჯეჯელავამ ისაუბრა, სკოლებში ჯანსაღი ცხოვრების შემოტანაა.

”სკოლებში მოსწავლეების მხოლოდ 2-7% ჩართული რეგულარულ ფიზიკურ აქტივობებში, რაც ტრაგედიაა. ამისთვის უნდა განვითარდეს სკოლების ინფრასტრუქტურა. დაახლოებით 300 დარბაზში უნდა ჩატარდეს რემონტი, კიეევ 500 დარბაზი ასაშენებელია. გამოდის, რომ მხოლოდ 5% სკოლების აქვს დარბაზი. ბიუჯეტიდან დარბაზების მშენებლობასა და რემონტში საჭიროა 830 მილიონი ლარი გამოიყოს”, -გაბაცხადა მან.

გარდა ამისა, მინისტრმა აღნიშნა, რომ ფიზკულტურის მასწავლებლების გადამზადებაც აუცილებელია და ის 1 თვეში დაიწყება.

”ფიზკულტურის მასწავლებლების გადამზადებას სპორტული ფედერაციები განახორციელებენ. კერძოდ კი, რაგბის, ფრენბურთის, ფეხბურთისა და ხელბურთის სათამაშო ფედერაციები იქნებიან ჩართული”, -აღნიშნა ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს