2017-02-06 09:58:19, 1063 ნახვა
საზოგადოება
9 თებერვლის ჩათვლით საქართველოს ტერიტორიაზე არამდგრადი ამინდებია მოსალოდნელი
9 თებერვლის ჩათვლით, როგორც აღმოსავლეთ, ისე დასავლეთ საქართველოში არამდგრადი ამინდებია მოსალოდნელი.
გარემოს ეროვნული სააგენტოს ინფორმაციით, დღეს დედაქალაქ თბილისში 1 გრადუსი სითბო იქნება, დღე უმეტესად უნალექოდ ჩაივლის. 7 თებერვალს ჰაერი +15 გრადუსამდე გათბება, 8-9 თებერვალს კი ნალექს ელოდებიან.
აღმოსავლეთ საქართველოს ზოგიერთ ტერიტორიაზე (გორი) დღესაც წვიმას პროგნოზირებენ, თუმცა ხვალიდან 9 თებერვლის ჩათვლით უმეტესად უნალექო ამინდია ნავარაუდევი.
რაც შეეხება დასავლეთ საქართველოს, 6-7 თებერვალს უმეტეს რაიონში იწვიმებს. 8-9 თებერვალს კი გამოიდარებს და +15 გრადუსამდე სითბო იქნება.
მაღალმთიან ადგილებში შედარებით დაბალი ტემპერატურაა მოსალოდნელი, შესაძლებელია იყოს მცირე თოვლი, ხოლო ღამით ყინვა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
