რეგიონული სასწრაფო სამედიცინო დახმარების ცენტრის ადმინისტრაციული თანამშრომლები პირველად დახმარებაში გადამზადდნენ.

ჯანდაცვის სამინისტროს ინფორმაციით, ინტენსიური სასწავლო კურსი სხვადასხვა დაზიანებისას გადაუდებელი დახმარების საკითხებს მოიცავდა.

მათივე ინფორმაციით, თეორიულ სწავლებასთან ერთად პრაქტიკული უნარების განვითარებისთვის მანიპულაციები მულაჟის მაგალითზე იყო ნაჩვენები.

მონაწილეებს საშუალება ჰქონდათ, ადგილზე სიმულაციურ ვარჯიშებში ჩართულიყვნენ.

ტრენინგის ფარგლებში რეგიონული სასწრაფო სამედიცინო დახმარების ცენტრის ადმინისტრაციულმა თანამშრომლებმა გულ-ფილტვის რეანიმაცია, ნახვევის გაკეთება, სისხლდენის შესაჩერებლად იმპროვიზებული ლახტის შექმნა, მოტეხილი კიდურის დაფიქსირება, ავტომატური გარეგანი დეფიბრილატორის გამოყენება და სხვა პირველადი დახმარების საკითხები შეისწავლეს.

ტრენინგი ჯანდაცვის სამინისტროს ეროვნულ სასწავლო ცენტრში ჩატარდა და სამედიცინო განათლების არმქონე პირთა პირველად დახმარებაში მომზადებას ისახავს მიზნად.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს