„ყველა ვცდილობთ, ყოველ შემთხვევაში ჩვენი გუნდი, პრეზიდენტის განცხადება არ წარმოვაჩინოთ ისე, რომ რაღაც ახალი დაპირისპირების წინაპირობა შევქმნათ“, - ასე გამოეხმაურა პარლამენტის ვიცე-სპიკერი გია ვოლსკი პრეზიდენტ გიორგი მარგველაშვილის შეფასებას, რომ „გაზპრომთან“ ხელშეკრულების გაფორმების შედეგად, პოლიტიკური და ეკონომიკური ინტერესები დაზიანდა.

დეპუტატის თქმით, „გაზპრომის“ საკითხზე პრეზიდენტის მხრიდან დაუფიქრებელი განცხადება გაკეთდა.

„ყველა ვცდილობთ,  ყოველ შემთხვევაში ჩვენი გუნდი, პრეზიდენტის განცხადება არ წარმოვაჩინოთ ისე, რომ რაღაც ახალი დაპირისპირების წინაპირობა შევქმნათ,  თუმცა პრეზიდენტი თავად ამას არ ფიქრობს. დაუფიქრებელი განცხადება არის გაკეთებული და სულ მცირე ეს არის არაკომპეტენტურობის მაჩვენებელი, მით უმეტეს ამ კონკრეტულ საკითხთან დაკავშირებით. არ გვჭირდება ჩვენ პრეზიდენტის შეხსენება, ყველა მინისტრი ნამყოფია პარლამენტში, სხვადასხვა საკითხებზე ანგარიშები წარმოადგინეს და ენერგეტიკის მინისტრიც მზად არის, რომ ეს ანგარიში  წარმოადგინოს. რეალურად სურათი აბსოლუტურად ნათელია და მითუმეტეს პრეზიდენტისათვის, მას გააჩნია ამდენი რესურსი, არ იყო ძნელი, რომ გარკვეულიყო ზუსტად  თუ რა ხდებოდა“, - განაცხადა გია ვოლსკიმ.

ცნობისთვის, გუშინ გამართულ პრესკონფერენციაზე, პრეზიდენტის პრესსპიკერმა ეკა მიშველაძემ მედიას „გაზპრომის“ საკითხზე გიორგი მარგველაშვილის პოზიცია გააცნო. როგორც მიშველაძემ აღნიშნა, პრეზიდენტი მიიჩნევს, რომ „გაზპრომთან“ ხელშეკრულებაზე ხელმოწერით პოლიტიკური ინტერესები დაზიანდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს