პარლამენტში „ერთიანი ნაციონალური მოძრაობის“ წევრებს - ნიკა მელიას, აკაკი  ბობოხიძესა და სერგო რატიანს შორის სიტყვიერი დაპირისპირება მოხდა.

დაპირისპირება დღეს „ნაციონალური მოძრაობის“  ფრაქციის ჩანიშნული სხდომის გადადებას მოჰყვა.

ნიკა მელია დაინტერესდა, თუ რატომ ატარებდნენ აღნიშნული პირები გიგა ბოკერიას ინტერესებს, რის საპასუხოდაც, მას აკაკი ბობოხიძემ განუცხადა, რომ ამ ლოგიკით ის ყოფილი პრეზიდენტის მიხეილ სააკაშვილის ინტერესებს ატარებდა.

მხარეებმა ერთმანეთს პარტიის დაშლაში დასდეს ბრალი. მელიას ბობოხიძემ კი განუმარტა, რომ მას პარტიის მშენებლობაში დიდი წვლილი მიუძღვის.

მელიას განცხადებით, ის თავმჯდომარეობიდან გადადგომას არ აპირებს და ფრაქციას ისევე როგორც პარტიას, სერგო რატიანი და მისი თანამოაზრეები დატოვებენ.

ენმ-ის წევრების განცხადებით, პარტია ორად არის გაყოფილი და დღეს უკვე მოლაპარაკების არანაირი რესურსი აღარ არსებობს.

„ნაციონალური მოძრაობის“ წევრების თქმით,  როგორ მოხდება ფრაქციული გადანაწილება, უახლოეს დღეებში გახდება ცნობილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს