2016-12-10 17:57:50, 1597 ნახვა
საზოგადოება
ნარკოპოლიტიკის საწინააღმდეგო აქციაზე დაპირისპირება მოხდა
„თეთრი ხმაურის მოძრაობის“ აქციის მონაწილეებმა რუსთაველის გამზირის სავალი ნაწილი გადაკეთეს, რის გამოც მათსა და საპატრულო პოლიციის თანამშრომლებს შორის დაპირისპირება მოხდა.
როგორც "ექსპრესნიუსის" კორესპონდენტი ადგილიდან იუწყება, გამზირზე მოძროაბა ორმხრივად შეწყვეტილია.
სამართალდამცველები, ცდილობენ აქციის მონაწილეები გზის სავალი ნაწილიდან გადაიყვანონ, რათა გამზირზე საავტომობილო მოძრაობა აღდგეს.
სამართალდამცავებმა აქციის ერთ-ერთი მონაწილე ავტომანქანაში ჩასვეს და ტერიტორიიდან გაიყვანეს.
ცნობისთვის, „თეთრი ხმაურის“ მოძრაობა ნარკოტიკული საშუალებების დეკრიმინალიზაციის მოთხოვნით, პარლამენტის შენობის წინ აქციას მართავს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
