რეგიონული განვითარებისა და ინფრასტრუქტურის მინისტრობის კანდიდატმა ზურაბ ალავიძემ საკომიტეტო მოისმენისას  იმ პირველი რიგის ამოცანებზე ისაუბრა, რომლის განხორციელებასაც დამტკიცების შემთხვევაში აპირებს.

კერძოდ, ალავიძის განმარტებით,  ერთ-ერთი პირველი რიგის ამოცანაა ტურისტული ინფრასტრუქტურის მოწესრიგება ისე,  რომ მთელი წლის განმავლობაში შესაძლებელი იყოს ქვეყნის მრავალ რეგიონებში ტურისტების მიღება.

„ასევე რეაბილიტაცია ჩაუტარდება კულტურული მემკვიდრეობის ძეგლებს და მათთან მისასვლელ გზებს. დამატებით შეიქმნება  50 000 სამუშაო ადგილი. სამწუხაროდ,  რეგიონებში ჯერ კიდევ არსებობს წყალმომარაგების პრობლემები და შემდეგი 4 წლის განმავლობაში ეტაპობრივად უზრუნველვყობთ მუნიციპალური ცენტრების 24 საათიან წყალმომარაგებას“,-განაცხადა ზურაბ ალავიძემ.

მისივე თქმით, რეგიონების მასშტაბით,  ძველი ამორტიზირებული ნაგავსაყრელები დაიხურება და ევროსტანდარტების ტიპის ნაგავსაყრელები აშენდება.

ზურაბ ალავიძე პრიორიტეტულ საკითხად მიიჩნევს  რეგიონული განვითარებისა და ადგილობრივი თვითმმართველობის გაძლიერებასაც და ამბობს, რომ მუნიციპალიტეტების უფლებამოსილებები გაიზრდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას