2016-11-24 12:45:04, 1344 ნახვა
პოლიტიკა კომენტარი
იზორია: რუსეთსა და აფხაზეთს შორის გაფორმებულ ე.წ. ხელშეკრულებაზე, ჩვენი პოზიცია ძალიან კრიტიკულია
რუსეთსა და აფხაზეთს შორის გაფორმებულ ე.წ. ხელშეკრულებაზე, ჩვენი პოზიცია ძალიან კრიტიკულია, - ამის შესახებ თავდაცვის მინისტრობის კანდიდატმა ლევან იზორიამ პარლამენტში, კომიტეტების გაერთიანებულ სხდომაზე განაცხადა.
როგორც იზორიამ აღნიშნა, მთავარი ამოცანა ქვეყნის განვითარება და თავდაცვისუნარიანობის ამაღლებაა.
"რა თქმა უნდა, ჩვენი პოზიცია ძალიან კრიტიკულია. ჩვენი მთავარი ამოცანაა ქვეყნის განვითარება და თავდაცვის სისტემის ფარგლებში ჩვენი თავდაცვისუნარიანობის ამაღლება. ეს საუკეთესო პრევენციაა ყოველგვარი საფრთხის აცილებისთვის", - განაცხადა იზორიამ.
ცნობისთვის, პუტინმა რუსეთის და ოკუპირებული აფხაზეთის საერთო ჯარის შექმნის შესახებ კანონის რატიფიკაციას ხელი მოაწერა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
