2016-11-15 23:34:29, 787 ნახვა
პოლიტიკა
სააკაშვილი რულოვსზე: გადაწყვეტილება თავად მიიღო, ძალიან დამოუკიდებელი და ძალიან ჯიუტი ხასიათი აქვს
საქართველოს ყოფილი პრეზიდენტი მიხეილ სააკაშვილი სანდრა რულოვსის გადაწყვეტილებაში მის მონაწილეობას უარყოფს და ამბობს, რომ სანდრამ პარლამენტში შესვლასა და მეორე ტურში მონაწილეობაზე უარის თქმაზე გადაწყვეტილება დამოუკიდებლად მიიღო.
როგორც გადაცემა "არჩევანში" სააკაშვილმა აღნიშნა, დრო აჩვენებს იყო თუ არა მართალი სანდრას გადაწყვეტილება, მან აქვე აღნიშნა, რომ მისი აზრით, მართალი იყო.
„ეს არის მისი გადაწყვეტილება, ძალიან დამოუკიდებელი და ძალიან ჯიუტი ხასიათი აქვს. მან თქვა, რომ პარლამენტში აზრი არა აქვს ასეთი შემადგენლობით და ასეთ ჯგუფით შესვლას. დრო აჩვენებს, მართალი იყო თუ არა. მე ვფიქრობ, რომ მართალი იყო,“ - განაცხადა მიხეილ სააკაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
