მე არ ვაპირებ უახლოეს პერიოდში ნამდვილად რაღაც აქტიურად გადაწყვეტილებების მიღებას პარტიის შიგნით, ეს არ არის ჩემი ფუნქცია, - ამის შესახებ საქართველოს მესამე პრეზიდენტმა მიხეილ სააკაშვილმა "არჩევანში" განაცხადა.

სააკაშვილის თქმით, ბოლოს მივიღეთ სურათი, სადაც მმართველი გუნდი ლანძღავდა ოპოზიციას და ოპოზიცია ლაპარაკობდა 45 000 სამუშაო ადგილზე, იმის მაგივრად, რომ ესაუბრათ იმაზე, თუ როგორ გააბანძეს ყველაფერი და როგორ გააჩერეს ქვეყანა.

"მე საერთოდ აგერ ვარ. მე არ ვაპირებ უახლოეს პერიოდში ნამდვილად რაღაც აქტიურად გადაწყვეტილებების მიღებას პარტიის შიგნით, ეს არ არის ჩემი ფუნქცია. მაგრამ ძალიან მაწუხებს ამ გაერთიანების ბედი. მე ვფიქრობ, რომ ჩვენ მხარდაჭერებს ბევრად უფრო უხარიათ, რასაც მივაღწიეთ, ვიდრე თვითგამოცხადებული ლიდერების ჯგუფი. მე მგონი, მათ არ სჯერავთ რომ ჩვენ რამეს მივაღწიეთ. ცოცხები იყო ტყუილი, ჩემზე რასაც ყვებოდნენ, იყო სრული სისულელე. ჩვენ გადავწყვიტეთ, რომ ამაზე არ გველაპარაკა, ცუდი ტონიაო ამაზე პასუხი. გვეუხერხულებოდა ჩვენ წარმატებაზე საუბარი, ივანიშვილს რამე უკეთესი რომ გაეკეთებინა, წარსულზე აღარ უნდა გვესაუბრა. მაგრამ გვეკითხა ხალხისთვის, 2016 წელს უკეთ ცხოვრობს საქართველო თუ 2012-ში, ყველა გეტყოდა, რომ არა. ბოლოს მივიღეთ სურათი, სადაც მმართველი გუნდი ლანძღავდა ოპოზიციას და ოპოზიცია ლაპარაკობდა 45 000 სამუშაო ადგილზე. იმის მაგივრად, რომ გვესაუბრა, თუ როგორ გააბანძეს ყველაფერი, როგორ გააჩერეს ქვეყანა. ჩვენ ძალიან კომპეტენტური ადამიანები გვყავს. სიმართლე უნდა ითქვას, სიყალბით ვერ მოიგებ," - აცხადებს სააკაშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს