2016-11-14 12:30:46, 1328 ნახვა
პოლიტიკა
მოსალოდნელი ცვლილებები მთავრობაში - დაუდასტურებელი ინფორმაციით, ნოდარ ჯავახიშვილს ზურაბ ალავიძე შეცვლის
მთავრობის ახალი შემადგენლობა, სავარაუდოდ, ამ დღეებში გახდება ცნობილი. თუმცა, მანამდე უკვე ვრცელდება დაუდასტურებელი ინფორმაციები მინისტრთა კაბინეტის მომავალ შემადგენლობასთან დაკავშირებით.
მაგალითად, ერთ-ერთი ინფორმაციით, შეიცვლება რეგიონული განვითარებისა და ინფრასტრუქტურის მინისტრი ნოდარ ჯავახიშვილი. მას ამ პოსტზე გავრცელებული ცნობით, ზურაბ ალავიძე ჩაანაცვლებს, რომელიც მცირე ხნით, სააკაშვილის ხელისუფლების დროს, ეკონომიკის მინისტრის მოადგილე იყო.
ასევე, დაუდასტურებელი ინფორმაციით, შეიცვლებიან ფინანსთა, ეკონომიკისა და კულტურის მინისტრები. სავარაუდოდ, ფინანსთა მინისტრ ნოდარ ხადურს დიმიტრი ქუმსიშვილი ჩაანაცვლებს, თავად ქუმსიშვილის ადგილს კი- ეკონომიკური საბჭოს მდივანი გიორგი გახარია დაიკავებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
