მე პატივს ვცემ ამერიკელი ხალხის არჩევანს, მათ თავად გადაწყვიტეს როგორი პრეზიდენტი ჭირდებათ, - ასე ეხმაურება პარლამეტის ვიცესპიკერი მანანა კობახიძე აშშ-ის არჩევნების შედეგებს საკუთარ Facebook გვერდზე.

როგორც კობახიძე აღნიშნავს, "ძალიან კარგია, რომ ის [ტრამპი] უკვე იცნობს საქართველოს, ნამყოფია აქ, იცის ჩვენს შესახებ, ხოლო ვისი და რისი გამოისობით, ეს მეორე ხარისხოვანია!"

"მე პატივს ვცემ ამერიკელი ხალხის არჩევანს, მათ თავად გადაწყვიტეს როგორი პრეზიდენტი ჭირდებათ, ეს მხოლოდ ამერიკელი ხალხის საქმეა და სხვა არავისი! წარმატებას ვუსურვებ ამ ხალხს, მათ პრეზიდენტს და ამ ქვეყანას, როგორც ჩვენს მეგობარს! ისე, წარსულს რომ გადავხედე 2012 წლის 21 აპრილს ჩამოუყვანია ბატონი ტრამპი სააკაშვილს საქართველოში, ამ დღეს ხდებოდა თბილისში ზუსტად ის, რაც შემდეგ, უკვე დიდი ხნით მოსვენებას დაუკარგავს ყოფილ პრეზიდენტს და მთელ მის გუნდს, ამ დღეს ”ქართული ოცნება-დემოკრატიული საქართველოს” დამფუძნებელი ყრილობა გაიმართა! პიარტექნოლოგიებს თუ გადავხედავთ, შესაძლოა ამ მოვლენის გადაფარვაც იყო მაშინდელი ხელისუფლების ერთერთი ამოცანა. ამიტომ, ალბათ შემთხვევითი არ იქნებოდა ეს დამთხვევა და სწორედ ამ დღეს, აწ უკვე აშშ-ს 45-ე პრეზიდენტის, როგორც მეტად საპატიო სტუმრის, ვიზიტი ჩვენს სამშობლოში. ნებისმიერ შემთხვევაში, ძალიან კარგია, რომ ის უკვე იცნობს საქართველოს, ნამყოფია აქ, იცის ჩვენს შესახებ, ხოლო ვისი და რისი გამოისობით, ეს მეორე ხარისხოვანია! აწი კი, ჩვენი სამუშაოა, თანაც ძალიან გულმოდგინედ!", - წერს კობახიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს