საუდის არაბეთში საქართველოს საინვესტიციო შესაძლებლობების შესახებ პრეზენტაცია გაიმართა

2016-11-09 16:09:15, 726 ნახვა

საზოგადოება

საუდის არაბეთში საქართველოს საგანგებო და სრულუფლებიანმა ელჩმა გიორგი ჯანჯღავამ სამეფოს ერთ-ერთი უმსხვილესი კომპანიის „Olaya Real Estate"-ის სათაო ოფისში საქართველოს საინვესტიციო შესაძლებლობების შესახებ პრეზენტაცია გამართა.

საგარეო საქმეთა სამინისტროს ინფორმაციით, შეხვედრის მიმდინარეობისას დამსწრე საზოგადოებას საქართველოს შესახებ სხვადასხვა საინფორმაციო მასალა მიეწოდა, ასევე ნაჩვენები იქნა საქართველოს ტურიზმის ეროვნული ადმინისტრაციის მიერ მომზადებული საპრეზენტაციო ვიდეოები კლიპები.

მათივე ინფორმაციით, პრეზენტაციის დასრულების შემდგომ შეხვედრა კითხვა-პასუხის რეჟიმში გაგრძელდა.

დისკუსიაზე საუბარი შეეხო საქართველოში არსებულ საინვესტიციო პროექტებს (ტურიზმს, უძრავ ქონებას) და ქვეყნებს შორის პოლიტიკურ-ეკონომიკური თანამშრომლობის განვითარების სამომავლო ასპექტებს.

საქართველოს საინვესტიციო შესაძლებლობების შესახებ გამართულ პრეზენტაციას საუდის არაბეთის საქმიანი წრეების წარმომადგენლები დაესწრნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან