2016-11-08 22:59:49, 811 ნახვა
პოლიტიკა
მარგველაშვილი ივანიშვილზე: ის საუბრობს ჩემზე, მე - არა
საქართველოს პრეზიდენტი გიორგი მარგველაშვილი ყოფილ პრემიერ-მინისტრ ბიძინა ივანიშვილზე საუბრობს და ამბობს, რომ უკვე 3 წელია არ ჰქონია მასთან ურთიერთობა.
როგორც პრეზიდენტმა "არჩევანში" აღნიშნა, შემთხვევა, როცა მან ივანიშვილის განცხადებას უპასუხა, არ ყოფილა.
"მე და ბიძინა ივანიშვილს 3 წელია, არ გვქონია ურთიერთობა. არ ვიცი, რა გეგმა აქვს მას, რა პოლიტიკური შეხედულებები აქვს. ივანიშვილი საუბრობს ჩემზე, მე - არა. ასეთი შემთხვევა, რომ მის განცხადებაზე მე მეპასუხოს, არ ყოფილა. ის პოლიტიკური ველი, რაც საქართველოშია, მე არ ვფიქრობ, რომ პრობლემური უნდა იყოს ივანიშვილისთვის და მმართველი გუნდისთვის. პრეზიდენტის ინსტიტუტი დადებით როლს ასრულებს ქვეყანაში," - აცხადებს მარგველაშვილი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
