ოდიოზურ ფიგურებად მიმაჩნია ის ადამიანები, რომლებიც პრეზიდენტის ვადაზე ადრე გათავისუფლებაზე ან იმპიჩმენტის პროცედურაზე ფიქრობენ, - ამის შესახებ საქართველოს პრეზიდენტმა გიორგი მარგველაშვილმა "რუსთავი 2"-ის პირდაპირ ეთერში განაცხადა.

პრეზიდენტი მის შესაძლო იმპიჩმენტის თემასაც შეეხო და არ გამორიცხა, რომ ასეთი იდეა „ოდიოზურ ფიგურებს“ პოლიტიკაში გაუჩნდეთ, თუმცა მაინც მიიჩნევს, რომ ეს მხოლოდ ფანტაზიის ნაწილია და რეალურად ხელისუფლება მხოლოდ პრეზიდენტის არჩევის წესის შეცვლაზე ფიქრობს.

„მაგალითად, შეიძლება, რომელიმე გამორჩეულ პოლიტიკოს მოუვიდეს თავში იმპიჩმენტის იდეა და წამოიწყოს იმპიჩმენტის პროცედურა. იმპიჩმენტს სჭირდება გარკვეული საფუძვლები, უნდა იყოს კონკრეტული დანაშაული, მაგრამ ასეთი პოლიტიკოსების აზრში და ფანტაზიაში დანაშაულის თემაც გაჩნდება. რატომ არ შეიძლება ასეთი ტიპის დანაშაულის ინსცენირების იდეა მოუვიდეთ? მაგრამ მაინც მიმაჩნია ოდიოზურ ფიგურებად ის ადამიანები, რომლებიც ფიქრობენ ასეთი ტიპის განვითარებაზე, ან პრეზიდენტის ვადაზე ადრე გათავისუფლებაზე ან იმპიჩმენტის პროცედურაზე, ეს არის უბრალოდ ფანტაზიის შედეგი,“ - აცხადებს გიორგი მარგველაშვილი.

საქართველოს პრეზიდენტი დღეს არსებული პირდაპირი არჩევითი წესის მოსალოდნელ შეცვლასთან დაკავშირებითაც საუბრობს და ამბობს, რომ ხელისუფლებას ამის არგუმენტირებული ახსნა მოუწევს.

„ეს არის ხალხის უფლება და სანამ ამ უფლებას წაართმევ კარგად უნდა აუხსნა ამ ხალხს, ამას რატომ აკეთებ. ამ ახსნის გარეშე ყველაფერი ეს პირადი ანგარიშსწორების შთაბეჭდილებას ტოვებს,“ - აცხადებს გიორგი მარგველაშვილი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს