2016-10-31 13:42:29, 767 ნახვა
პოლიტიკა
ნაცვლიშვილი: არჩევნების მეორე ტური მშვიდ ვითარებაში მიმდინარეობდა
ახალგაზრდა იურისტთა ასოციაციის ანა ნაცვლიშვილის განცხადებით, საპარალამენტო არჩევნების მეორე ტურზე ხმის დათვლისა და შედეგების შეჯამების პროცესში მნიშვნელოვანი ხარვეზი არ დაფიქსირებულა.
როგორც ნაცვლიშვილმა აღნიშნა, პოზიტიურად უნდა შეფასდეს ის, რომ ძალადობას უბნების გარე პერიმეტრზე ადგილი არ ჰქონია.
„თუმცა, ნეგატიურად უნდა შეფასდეს ის გარემოება, რომ მეორე ტურებზე კვლავ გაგრძელდა მანკიერი პრაქტიკა, როდესაც უბნის მიმდებარე პერიმეტრზე მობილიზებული იყვნენ კანდიდატების კოორდინატორები და აქტივისტები და აღრიცხავდნენ უბანზე მისულ ამომრჩეველს, ცალკეულ შემთხვევებში მათ მიერ დაფიქსირებულ ნებასაც, რაც შეიძლება შეფასდეს, როგორც ირიბი კონტროლი, კონტროლის მცდელობა ამომრჩევლის ნებაზე“,-განაცხადა ნაცვლიშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
