„პარლამენტის მაჟორიტარული სისტემით ჩატარებული არჩევნების მეორე ტური, არჩევნების დღე და ხმის დათვლის პროცესი მთლიანად დასრულებულია“,-ამის შესახებ ცენტრალური საარჩევნო კომისიის თავმჯდომარემ თამარ ჟვანიამ ბრიფინგზე  განაცხადა.

ჟვანიას თქმით, არჩევნებმა მშვიდ გარემოში ჩაიარა.

„პარლამენტის მაჟორიტარული სისტემით ჩატარებული  არჩევნების მეორე ტური, არჩევნების დღე და ხმის დათვლის პროცესი  მთლიანად დასრულებულია.  არჩევნებმა მშვიდ გარემოში ჩაიარა და ამომრჩევლებს  საშუალება მიეცათ   გამოეხატათ საკუთარი ნება.  დაფიქსირდა ცალკეული შემთხვევები, თუმცა მთლიანობაში პროცესი  გამჭვირვალედ განხორციელდა და  ამომრჩევლებმა თავისუფალ გარემოში, შეფერეხების გარეშე  შეძლეს კენჭისყრაში მონაწილეობა“,-განაცხადა თამარ ჟვანიამ.

მან მადლობა გადაუხადა თითოეულ ამომრჩეველს.

„მათ გამოიჩინეს მაღალი მოქალაქეობრივი პასუხისმგებლობა და მივიდნენ არჩევნების მეორე ტურზე. მადლობას ვუხდი საარჩევნო ადმინისტრაციის თითოეულ წარმომადგენელს გაწეული საქმიანობისთვის. მინდა მადლობა გადავუხადო საარჩევნო პროცესში ჩართულ მხარეებს, მედიას, საერთაშორისო და ადგილობრივ სადამკვირვებლო ორგანიზაციებს, ძალისხმევა ჩადეს, რომ პირველ რიგში მაღალ დონეზე მომსახურებოდნენ ამომრჩეველს და რა თქმა უნდა პროფესიულ დონეზე უზრუნველეყოთ არჩევნების ორგანიზება. მათ ხელი შეუწყვეს ჩვენთან ერთად საარჩევნო პროცესის გამჭვირვალედ წარმართვას“,- დასძინა თამარ ჟვანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს