2016-10-30 23:00:43, 726 ნახვა
პოლიტიკა
პირველადი მონაცემებით, ხაშურში „მრეწველების“ კანდიდატი სიმონ ნოზაძე ლიდერობს
პირველადი მონაცემებით, ხაშურში არჩევნების მეორე ტურში პარტია "მრეწველების" კანდიდატი სიმონ ნოზაძე ლიდერობს.
როგორც ნოზაძემ აღნიშნა, საარჩევნო უბნების უმრავლესობა დათვლილია და თითქმის ყველა უბანზე არჩევნებს დამაჯერებლად იგებს.
"უბნების უმრავლესობის შედეგები ვიცით და ამ უბნებში დიდი უპირატესობით მოვიგე. მხოლოდ სამი უბანი წავაგე, სულ მცირე სხვაობით. სულ 52 უბანია, მინიმუმ ნახევარი ამ ეტაპზე მოგებული მაქვს. წინასწარ არაფერს ვიტყვი მაინც, თუმცა გამარჯვებას ველოდები", -განაცხადა ნოზაძემ.
ცნობისთვის, ხაშურში არჩევნების მეორე ტურში სიმონ ნოზაძის კონკურენტი "ქართული ოცნების" კანდიდატი ვალერი გელაშვილია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
